SOFONÍAS 2:8 - Dios Rimashcata Quillcashcami

⁸ Moabitacuna, amonitacuna rimashpa pingaichicuctami uyarcani. Chashna rimashpami, ñuca acllashcacunata pingaichishpa llactata quichushpa jatun tucurca.

SOFONÍAS 2:8 Iomraidhean Croise

GÉNESIS 19:37

Punta ushica shuc cari huahuatami charirca. Chai huahuataca Moabtami shutichirca. Paimi cunan punzha causac moabitacunapac taitaca can.

GÉNESIS 19:38

Chai shinallatacmi quipa ushipish shuc cari huahuata charirca. Chai huahuataca Ben-amitami shutichirca. Paimi cunan punzha causac amonitacunapac taitaca can.

ISAÍAS 15:1

Moab llacta llaqui tucunamanta huillashcami. Shuc tutallapimi Moab llactapi tiyac Ar-moab llactapish, Moab llactapi tiyac Kir-moab llactapish tucuchishca, chunlla saquiringa.

ISAÍAS 16:6

Moab llactapi causaccuna yallita jatun tucushpa, cariyashpa, ñahuita alzashpa puricuctami uyanchic. Ashtahuanpish yangamantami jatun tucuncuna.

JEREMÍAS 12:14

Mandac Diosca: «Ñuca acllashca israelcunaman cushca llactatapish, chai ladopi causaccunatapish llaquichiccunataca llucchishpami cachasha. Shinallatac Judá llacta gentecunatapish paicunapac chaupimanta llucchishpami cachasha.

JEREMÍAS 48:1

Israelcunapac tucuita Mandac Dios Moab llactamanta rimashpaca: «¡Aij, Nebo llactaca tucui tucuchishcami canga! ¡Quiriataimpi causaccunapish tucuchishpa pingaichishcami canga! ¡Muyundita jarcashca pircacunapish urmachishcami canga!

JEREMÍAS 49:1

Mandac Diosca Amonta llaquichinamanta rimashpaca: «¿Manachu israelcunaca huahuacunata charin? ¿Manachu paicunaca herenciata japiccunata charin? ¿Imamantatac Milcom diosca Gad aillupac llactata quichushca? ¿Imamantatac paipac gentecunarac chai llactacunapi causacun?

LAMENTACIONES 3:61

Mandac Dioslla, ñucata rimacushcatapish, ñucata llaquichinata yuyaricuctapish uyarcanguimi.

EZEQUIEL 21:28

Huañunalla runa, canca: “Mandac Dios amonitacuna mana allita rimashcamanta rimashpaca: Cancunata huañuchingapacmi espadaca huacaichinamanta llucchishca tiyacun. Tucui tucuchishpa jagan nicungapacmi alli mulashca tiyacun.

EZEQUIEL 25:1

Mandac Dios ñucata rimashpaca:

EZEQUIEL 35:12

Shinallatac canca Israel llactapi tiyac urcucunata piñashpa: ‘¡Urcucunaca shitashcami siricun, micuc shina tucuchichunmi saquishca!’ nishcatapish ñuca uyashcata yachanguimi.

EZEQUIEL 36:2

Mandac Diosca: Cancunata piñaccunaca: ‘Huiñaita tiyac urcucunatapish ñucanchicmanmi cushca’ nishpami burlarca.

AMÓS 1:13

Mandac Diosca: «Amón llactapi causaccunataca, paicuna catipi quimsa cutin, chuscu cutin juchallishcamanta llaquichinataca manatac saquishachu. Paicunaca allpata mirachingapacmi Galaad llactapi causac huicsayuc huarmicunataca huicsata tucyachirca.

AMÓS 2:1

Mandac Diosca: «Moab llactapi causaccunataca, catipi quimsa cutin, chuscu cutin juchallishcamanta llaquichinataca manatac saquishachu. Paicunaca Edom llactata jatun mandacpac tullucunataca uchupa tucungacamanmi rupachirca.

SOFONÍAS 2:10

Paicunallatac jatun tucushpa tucuita Mandac Diospac acllashcacunata rimashcamantami llaqui tucunga.

JOSUÉ 5:9

Chaipimi Mandac Diosca Josuetaca: «Cunanmi Egipto llactapi pingaichishcata anchuchini» nirca. Chaimantami chai lomataca Gilgalta shutichirca. Shinami cunancaman chai shuti can.