SOFONÍAS 1:9 - Dios Rimashcata Quillcashcami

⁹ Chai punzhallatacmi pungu jahuata saltashpa pasaccunatapish, paicunapac amocunapac huasicunapi shuhuashpa jundachiccunatapish, umaccunatapish llaquichisha» ninmi.

SOFONÍAS 1:9 Iomraidhean Croise

NEHEMÍAS 5:15

Ashtahuanpish ñucapac punta mandaccunaca micungapacpish, vinopacpish, chuscu chunga siclos cullquita mañashpami llaquichishpa causarca. Shinallatac paicunata serviccunapish chashnallatacmi ruhuarca. Ashtahuanpish ñucaca Diosta manchac cashpami, mana chashna ruhuarcani.

PROVERBIOS 29:12

Shuc mandac llullashcata crishpa chasquicpica, tucui paita serviccunami Diosta mana manchaccuna tucunga.

JEREMÍAS 5:27

Volac animalcunata jaulapi jundachishca shinami, paicunapac huasipica tucuilaya shuhuashcacuna tiyacun. Chashnami chayucyashpa jatun tucun.

AMÓS 3:10

Mandac Diosca: «Paicunaca imatapish mana allita ruhuanata yachanchu. Macashpa quichushcallatami, paicunapac mandashpa tiyana huasicunapi jundachin.

MIQUEAS 6:12

Chashnami chai llactapi causaccunaca yallita llaquichishca. Paicunaca llullaccunami. Calluca llullashpa umangapacllami.

ZACARÍAS 5:6

Chaita ricushpami ñucaca: —Chaica, ¿imatac?— nircani. Shina tapucpimi angelca: —Chai can ricushcaca granota medina cajonmi. Chai cajonca tucui cai pachapi causaccunapac juchata medingapacmi— nirca.

HECHOS 16:19

Chai huambrapac amocunaca cullqui japina tucuricpimi, Pablotapish, Silastapish prezushpa, jatun plazapi cac mandaccunapacman aparca.

JUECES 19:27

Paipac cusaca cutinllatac puri callaringapacmi tutamanta utca jatarishpa punguta pascarca. Chashna pascashpami caishuc huarmi pungu yaicuna umbralpi maquita churashpa siricucta ricurca.

1 SAMUEL 5:5

Chaimantami Dagón diospac curacunapish, Dagón diosta yuyarina huasiman yaicuccunapish, Asdod pueblopi tiyac Dagón diospac huasi pungu humbralpica cunan punzhacaman mana saruncuna.