SOFONÍAS 1:7 - Dios Rimashcata Quillcashcami

⁷ ¡Mandac Diospac ñaupapi upalla caichic! ¡Mandac Dios llaquichina punzhami pactamucun! Mandac Diosca animalta huañuchic shina ruhuangapacmi allichishca. Chaipacmi paicunata piñachiccunata cayashca.

SOFONÍAS 1:7 Iomraidhean Croise

JOB 24:1

Tucuita ruhuac Diospacca huatacunapish mana pacallachu can. ¿Ima nishpatac paita ricsinchicmi niccunaca paipac punzhataca mana ricuncuna?

SALMOS 46:10

Diosca: «Casilla caichic, ñucataca Dios cashcata ricsichic. Tucui llactacunapimi alli nishca casha. Tucui cai pachami jatunyachishca casha» nircami.

ISAÍAS 13:3

Ñucaca, ñuca acllashca soldadocunatami cachagrini. Piñarishpa llaquichingapacmi sinchi soldadocunata tandachircani. Paicunaca ñuca macanacuita mishacpimi cushicun.

ISAÍAS 13:6

Mandac Dios llaquichina punzhami chayamun. Chaimanta caparishpa huacaichicyari. Paica tucui poderhuanmi llaquinayaita tucuchingapac shamun.

ISAÍAS 2:12

Mandac Dios, jatun tucushpa puriccunata, cari tucushcacunata, jatun tucushcacunata llaquichina punzhami chayamugrin. Chaipimi paicunaca cumuringa.

ISAÍAS 29:2

Ashtahuanpish Ariel llactataca llaquihuan muspachigrinimi. Chaimantami yallita llaquirishpa huacanga. Chai llactaca animalta rupachina altar shinami tucunga.

ISAÍAS 34:5

Mandac Diospac espadami jahua pachapi ricuringa. Edom llactapi causaccunata llaquichishpa tucuchingapacmi urai shamunga.

ISAÍAS 34:6

Mandac Diosca Bosra llactapica animalcunata rupachingapac huañuchic shinami huañuchinga. Edom llactapipish achcatami huañuchinga. Espadaca maltón ovejacunapac, cari chivocunapac yahuarhuan, Maltón ovejacunapac riñón huirahuanmi yallita cahuiringa.

ISAÍAS 6:5

Chaita ricushpa ñucaca: «¡Aij, ñucaca huañugrinimi! Ñucaca mapa shimicunata rimacmi cani. Mapa shimicunata rimac runacunapac chaupipimi causani. Chashna cashpapish tucuita Mandac Diostami ñuca ñahuihuantac ricucuni» nircani.

JEREMÍAS 46:10

Chai punzhaca tucuita Mandac Diospac punzhami canga. Paita piñaccunataca llaquichina punzhami canga. Espadaca tucuita huañuchishpami, yahuarsapa tucushpa, machashca shina canga. Tucuita Mandac Diosca jahua lado llacta Eufrates yacu patapimi yallita huañuchinga.

EZEQUIEL 7:10

¡Chai punzhaca chayamushcatacmi! Millaita ruhuanapish, jatun tucunapish yallitami mirashca.

EZEQUIEL 7:7

¡Llactapi causaccunalla, cancunata llaquichina punzhaca ñami chayamun! ¡Urcucunapi cushicushpa caparinapac randica, llaquihuan caparina punzhami chayamun!

JOEL 1:15

Mandac Dios llaquichina punzhami ña pactamun. ¡Tucuita ruhuac Dios yallita llaquichishpami tucuita tucuchinga! ¡Aij, chai punzhaca yalli llaqui punzhami canga!

JOEL 2:11

Mandac Diosca paipac soldadocunapac ñaupapimi mandacun. Paipac soldadocunaca achcami. Pai mandashcacunaca llaquimi. Mandac Dios shamuna punzhapica, jatun llaquimi tiyanga. Chai jatun llaquitaca, ¿pitac apai pudingayari?

JOEL 2:31

Mandac Dios ñuca cachashca jatun mancharina punzha manarac chayamucpimi, intica amsayanga, quillaca yahuar shina tucunga.

AMÓS 6:10

Chai huañushcataca shuc aillullami tucuita tandachinga. Shinami huasimanta tullucunata llucchishpa rupachinga. Chai huasi ucupi cac runataca: «¿Manachu maijanpish canhuan saquirirca?» ningami. Shina nicpimi, chai runaca: «¡Mana pipish saquirircachu!» ningami. Shina nicpica: «Upalla cai, Mandac Diospac shutitaca mana rimanachu» ningami.

AMÓS 8:3

Chai llaqui punzhapica ñuca huasipi cantaccunapish huacangami. Achca huañushcacunami siricunga. Chai huañushcacunataca tucui ladocunapimi shitanga. Chaitaca Mandac Dios ñucami nini— nirca.

HABACUC 2:20

Ashtahuanpish Mandac Diosca paipaclla chicanyachishca huasipimi causan. ¡Cai pachapi tucui causaccuna paipac ñaupapi upalla caichic!

SOFONÍAS 1:14

Mandac Dios llaquichina punzhami ña shamucun. Chai punzhaca utcami chayamucun. Mandac Dios llaquichicui punzhaca jatun llaqui huacaimi canga. Chai punzhaca yalli sinchi runapish llaquinayaitami caparinga.

ZACARÍAS 14:1

Mandac Dios shamuna punzhami ña pactamun. Cancunamanta imata quichushcataca cancunapac chaupillapitacmi chaupinga.

ZACARÍAS 2:13

¡Mandac Diosca pai causana jucha illac pushtumantami shamun! ¡Chaimanta cai pachapi tucui causaccuna upalla caichic!

MALAQUÍAS 4:1

Mandac Diosca: «Rupacuc horno shina punzhami ña chayamucun. Chai punzhapica jatun tucushpa puriccunapish, mana allita ruhuaccunapish chaquishca ucsha shinami rupanga. Chai rupacuc punzha chayamushpami rupachishpa, sapillatapish, shuc ramallatapish mana saquishpa rupachinga.

SAN MATEO 22:4

Mana shamusha nicpi, cutinllatac shuctac serviccunata cachashpaca: “Jatun huagracunatapish, shuctac huira animalcunatapish huañuchishpami, jatun micuita ruhuashcani. Ñami tucui allichishca. Bodaman shamuichic nicunmi nigrichic” nishpa cacharca.

ROMANOS 3:19

Dios taripana punzhapi tucui mashna imata mana nishpa upalla saquirichunmi, tucui Moisés mandashcacunaca chai mandashcacunata chasquiccunaman huillacun. Chaitaca yachanchicmi.

ROMANOS 9:20

Canca Diosta taripangapacca, ¿imatac cangui? ¿Allpamanta mangata ruhuactaca mangaca: «¿Ima nishpatac chashna ruhuarcangui?» ningachu?

FILIPENSES 4:5

Cancuna shuccunata llaquiccuna cashcataca tucui mashna yachachuncuna. Apunchic Jesús cutimunaca ña caillapimi.

COLOSENSES 1:12

Diosta pagui nishpa, cushicushpa apanguichiclla. Paimi Diospaclla caccuna japina cashcata cancunapish paipac achiclla mandacucpi japiccuna cachun ruhuarca.

1 SAMUEL 16:5

Shina tapucpi Samuelca: —Ari, ñucaca Mandac Diosman cushpa, rupachingapacmi shamuni. Cancunapish Diospaclla tucushpa Diosman cushpa rupachingapac ñucahuan jacu— nirca. Chai quipaca Isaitapish, paipac churicunatapish chuyayachishpami Diosman cushpa rupachingapac jacu nirca.

1 SAMUEL 20:26

Chai punzhaca David illacta ricushpapish Saulca imata mana nircachu. Chaica: «Diospac ñaupapi ima mana allita ruhuashca cashpami manarac alli tucushca canga» yuyarcami.