SOFONÍAS 1:4 - Dios Rimashcata Quillcashcami

⁴ Judá llactapi causaccunatapish, Jerusalenpi causaccunatapish llaquichishami. Baal diosmanta puchushcacunatapish, chai diosta servic curacunapac shuticunatapish chingachishami.

SOFONÍAS 1:4 Iomraidhean Croise

2 REYES 21:13

Jerusalenpi causaccunataca Samaria pueblopi causaccunata llaquichishca shinallatacmi chai cordel-llahuantac llaquichisha. Acabpac huasi ucupurata llaquichishca plomadallahuantacmi llaquichisha. Jerusalentaca platota jahuashpa puctic shinami saquisha.

2 REYES 23:12

Jatun mandac Josiasca Judá llactata jatun mandaccuna Acazpac huasi jahuapi ruhuashca altartapish, Mandac Diospac huasi ishcai pungu pambacunapi Manasés ruhuachishca altarcunatapish ñutuchishpami, Cedrón yacupi shitarca.

2 CRÓNICAS 34:4

Paipac ñaupapimi Baal diospac altarcunataca tigrachirca. Patapi tiyac inciensota rupachina altarcunatapish, Asera huarmi diosta yuyarina yuratapish, labrashpa ruhuashca dioscunatapish, yacuyachishpa ruhuashca dioscunatapish paquishpami polvorca. Chai polvotaca chai dioscunaman animalta cushpa rupachiccunata enterrashca jahuapimi shitachun cacharca.

ÉXODO 15:12

Cambac alli maquita chutacpica, allpapish millpurcami.

JEREMÍAS 15:6

Canca ñucata saquishpami, huashaiman cutircangui. Ñucaca llaquicushpami shaicurcani. Chaimantami llaquichisha Chaitaca Mandac Diosmi nin.

JEREMÍAS 6:12

Ñuca chai llactapi causaccunata llaquichicpimi, huasicunatapish, allpatapish, huarmicunatapish shuccuna japinga.

EZEQUIEL 25:7

Chaimantami ñuca maquita alzashpa cancunata llaquichisha. Cancuna imata charishcatapish quichushpa apachunmi, shuctac llactacunapac maquipi churasha. Cancunataca llactacunapac chaupimanta, pueblo chaupimanta llucchishpami tucuchisha. Shina ruhuacpimi, ñucataca Mandac Dios cashcata yachanguichic nini.

EZEQUIEL 6:14

Ñucaca llaquichishpami paicuna causana llactatapish, ura ladopi cac shitashca pambamanta jahua Diblat llactacaman tucuchisha. Chashna ruhuacta ricushpami, ñucataca Mandac Dios cashcata yachangacuna» nirca.

OSEAS 10:5

Samariapi causaccunaca Bet-avenpi tiyac beci dioscunatami manchanga. Chaipi causaccunapish duelo churanatami churaringa. Chai beci diosta sumaimanami cangui nic curacunapish chai dioscunata apacpi, yallitami huacanga.

MIQUEAS 5:13

Rumimanta ruhuashca dioscunatapish, imaman ricchac dioscunatapish cancunapac chaupillapitacmi tucuchisha. Shina ruhuacpimi, cancuna ruhuashca dioscunapac ñaupapica mana ashtahuan cumuringuichic.

SOFONÍAS 2:11

Mandac Diosca paicunahuan yallita piñarishpa, cai pachapi tiyac dioscunataca tucui chingachishpami, yallita manchachinga. Tucui yacu patapi cac llactacunapi causaccunami paicuna maipi causashcallapitac cumuringa.

SOFONÍAS 2:13

Mandac Diosca jahua lado llactaman maquita alzashpami Asiria llactata llaquichishpa tucuchinga. Nínive llactatapish llaquinayaita tucuchishcami, shitashca pambata saquinga.