RUT 4:5 - Dios Rimashcata Quillcashcami

⁵ Shina nicpimi Boozca: —Noemipac maquimanta allpata randicui punzhallatami, moabitapuramanta viuda Ruthuanpish cazarana cangui. Chai allpapish huañushca cusapac shutillapitac saquirichunmi chashnaca ruhuana cangui— nirca.

RUT 4:5 Iomraidhean Croise

GÉNESIS 38:8

Chaimantami Judaca paipac quipa churi Onantaca: —Cambac huañuc huauquipac huarmihuan cazarashpa, paipi chayari. Chashna charishpami, cambac huauquiman huahua huahuacunata cungui— nirca.

SAN MATEO 22:24

—Yachachic, Moisesca: “Maijanpish manarac huahuata charishpa huañucpica, huauquimi chai viudahuan cazarana can. Chashnami huañushca huauquipac randi huahuata charina can” nishcami.

SAN LUCAS 20:28

—Yachachic, chaica Moisés quillcashpaca: “Shuc runa manarac huahuata charishpa huañucpica, chai huañushcapac huauquillatac chai viuda huarmihuan cazarashpa, huañushca huauquipac randi huahuata charichun” nicunmi.

DEUTERONOMIO 25:7

Chai huauqui mana chai huarmihuan cazarasha nicpica, chai huarmica chai llacta yaicunaman rishpa, pushac yuyaccunaman huillashpaca: “Ñuca cuñadoca huañuc huauquipac shutita mana israelpurapi jatarichisha ninchu. Cuñadollatac cazarana cashcataca mana pactachisha ninchu” ninga.