RUT 4:4 - Dios Rimashcata Quillcashcami

⁴ Caitami canman huillashpa, shinallatac caipi tiyaccunapac ñaupapi, ñuca pueblopi pushac yuyaccunapac ñaupapi can randichun nisha nicurcani. Can randisha nishpaca randi. Cutin mana randisha nishpaca ñucaman huillailla. Chaica, canmi randi pudingui, cutin can mana randisha nicpica, ñucallami randi pudini, ashtahuanpish pipish mana randingachu— nirca. Shina nicpimi, chai familia runaca: —Ñuca randisha— nirca.

RUT 4:4 Iomraidhean Croise

GÉNESIS 23:11

—Uyai, ñuca mandaclla, ama chashna nichu. Ñuca llactapi causac churicunapac ñaupapimi cai allpatapish, enterrana jutcutapish yanga cuni. Huañushcataca chaipi enterrailla— nirca.

GÉNESIS 23:18

Chashnami Abrahamca Efronpac allpataca Hetpac churicunapac ñaupapi, shinallatac chai llactaman yaicuc gentecunapac ñaupapi chasquirca.

JEREMÍAS 32:25

Mandac Dioslla, cai llacta caldeocunapac maquipi urmagricucpipish canca: Allpataca cullquihuan randi, chai randishcata ricuchunca testigocunata tandachi” nircanguimi» nircani.

ROMANOS 12:17

Maijan cancunata mana allita ruhuacpica, ama cancunapish chai shinallatac ruhuaichicchu. Chaipac randica, tucuipac ñaupapi alli caichic.

2 CORINTIOS 8:21

Shina ruhuashpaca, mana Apunchic Jesuspac ñaupallapi alli ricuringapac, ashtahuanpish gentecunapac ñaupapipish alli ricuringapacmi chashna ruhuacunchic.

DEUTERONOMIO 25:8

Chashna nicpica, chai llactata pushac yuyaccunaca chai runata cayashpami paihuan parlanga. Shina cayacpi, chai runa: “Mana cazarasha ninichu” nicpica,

FILIPENSES 4:8

Cuyashca criccuna, tucuri shimicunata rimashpaca: “Tucui imapipish mana llullac canata, shuccuna munashca canata, tucui imatapish allita ruhuac canata, tucui imapipish mapa illac canata, pimanpish cuyaita ricuchic canata, shinallatac sumac, tucuipac alli nishca cana yuyaicuna tiyacpica, chaillata yuyashpa catichic” ninimi.

RUT 2:20

Shina nicpimi, Noemica paipac nuerataca: —¡Paitaca, Mandac Dios bendiciachun! Paica huañushcacunatapish, ñucanchic causaccunatapish llaquishcami— nirca. Chai quipaca: —Chai runaca ñucanchicpac familiamari. Paimi ñucanchicta ayudai pudinga— nirca.

RUT 3:12

Ari, cambac familiami cani. Shina cacpipish, ñucatapish yalli ashtahuan cuchulla familiami tiyan.

RUT 3:9

Chaipimi Boozca: —¿Pitac cangui?— nirca. Shina tapucpimi Rutca: —Canta servic Rutmi cani. Can cuchulla familiapura cashcamantaca canta servic ñucataca jahualla cambac churanahuanpish catachiyari— nirca.