RUT 4:12 - Dios Rimashcata Quillcashcami

¹² Cambac huasipi cai huarmi charishca huahuacunataca Mandac Dios Fares runapac huasi familiapi shina achcata mirachichun. Faresca Tamar huarmipi charishca Judapac huahuami can— nirca.

RUT 4:12 Iomraidhean Croise

GÉNESIS 38:29

Shina cacpipish, chai huahuapac maquica cutin chingaricpimi, caishuc huauquirac llucshirca. Chaimantami comadronaca: «Can ñanta pascashcamantaca Fares shutimi cangui» nirca.

GÉNESIS 46:12

Judapac churicunaca: Er, Onán, Sela, Fares, Zarami carca. Shinallatac Er, Onanca Canaán llactapimi huañurca. Farespac churicunaca: Hezrón, Hamulmi carca.

1 CRÓNICAS 2:4

Judá, paipac nuera Tamarpi charishca churicunaca Fares, Zerami carca. Judaca pichca churitami charirca.

MALAQUÍAS 2:15

¿Manachu Mandac Diosca caritapish, huarmitapish cuerpondi, espiritundi shuclla shinata ruhuarca? ¿Imapactac chashna ruhuarca? ¡Paica, cancunapac huahua huahuacunapish, paipaclla cachunmi chashna ruhuarca! Chaimanta cancunapac yuyaita cuidarichic, ama cancunapac huarmita shitaichicchu.

SAN MATEO 1:3

Judaca Tamar huarmipica Fares churita shinallatac Zara ushitami charirca. Faresca Esrom churitami carca. Esromca Arampac churitami charirca.

RUT 4:18

Fares runapac huahua huahuacunaca caicunami: Farespac churica Hezronmi carca.

1 SAMUEL 2:20

Shina shamucpimi Elcanatapish, paipac huarmitapish, Elica: «Mandac Diosta mañacpi carashca cai huahuapac randica Mandac Diosllatac canmanca ashtahuan huahuacunata cuchun» nishpami bendiciarca. Quipaca paicunapac huasiman cuticllami carcacuna.