RUT 4:11 - Dios Rimashcata Quillcashcami

¹¹ Shina nicpimi, pushac yuyaccunahuan chai pungupi tiyacuc gentecunaca: —Ari, ricunchicmi. Cambac huasiman yaicuc huarmitaca Raquel, Leata ayudashca shinallatac Mandac Dios ayudachun. Paicunamantami ñucanchic israelcunaca mirai callarishcanchic. ¡Canpish Efrata nishca Belén pueblopica alli nishca, tucuipac ricsishca causachunmi munanchic!

RUT 4:11 Iomraidhean Croise

GÉNESIS 23:10

Heteopuramanta Efronca Hetpac churicunahuanmi tiyacurca. Chaipimi Hetpac churicunapac ñaupapipish, chai llactacunapi yaicuccunapac ñaupapipish Abrahamtaca:

GÉNESIS 24:60

Rebecata bendiciashpaca: «Pani Rebecalla, huaranga huarangapac mamami tucungui. Cambac huahua huahuacunaca piñaccunataca mishashpa, llactacunata japinga» nishpa cacharca.

GÉNESIS 29:16

Labanca ishcai ushitami charirca. Punta ushica Lea, cutin quipa ushica Raquelmi carca.

GÉNESIS 29:25

Tutamanta Jacobo jatarishpa ricucpica, Leami cashca carca. Chaimantami Jacoboca Labantaca: —¿Imatatac ruhuarcangui? ¿Manachu Raquelmanta trabajarcani? ¿Imamantatac ñucataca umarcangui?— nirca.

GÉNESIS 29:32

Leaca huicsayuc tucushpami, shuc cari huahuata charirca. Chaimantami Leaca: «Mandac Diosca ñuca llaquilla cactami ricushca, chaimantami ñuca cusaca cuyanga» nishpami Rubenta shutichirca.

GÉNESIS 35:23

Leapac punta huahuaca Rubenmi carca. Quipa huahuacunaca: Simeón, Leví, Judá, Isacar shinallatac Zabulonmi carca.

GÉNESIS 35:24

Raquelpac huahuacunaca: José, Benjaminmi carca.

1 REYES 21:8

Chashna nishpami chai huarmica Acabpac shutipi quillcashpa, paipac sortejasllahuantac sellota churashpa, Nabot causana pueblopi causac cunac yuyaccunaman, mandaccunamanpish cacharca.

1 CRÓNICAS 2:51

Belenpac taita Salmami carca. Cutin shucca Bet-gaderpac taita Harefmi carca.

SALMOS 132:6

Arcamantaca Efrata pueblopimi uyarcanchic. Achca yuracuna tiyac pambapimi tarircanchic.

PROVERBIOS 14:1

Yachaisapa huarmica paipac huasita alli nishpami sinchiyachin. Ashtahuanpish yuyai illac huarmica paipac quiquin maquicunahuanmi urmachin.

PROVERBIOS 31:23

Pushac yuyaccunahuan paipac cusa pueblo pungupi tiyaricpica tucuimi ricsin.

JEREMÍAS 32:10

Chai quipaca testigocunapac ñaupapimi randishca documentota ruhuashpa, cullquita balanzapi pezashpa curcani.

MIQUEAS 5:2

Mandac Diosca: «Efrata nishca Belenlla, canca Judá llacta familiapurapica tucuimanta yalli uchilla pueblomi cangui. Canmantami Israel llactata Mandacca llucshinga. Paica ñaupa huata miranacuimantami shamun» ninmi.

SAN MATEO 2:6

“Judea llacta Belenlla, canca tucui Judea pueblocunamanta alli nishca pueblomi cangui. Canmantami shuc mandac llucshinga. Paimi ñuca acllashca israelcunataca pushanga” nishcami— nirca.

DEUTERONOMIO 25:7

Chai huauqui mana chai huarmihuan cazarasha nicpica, chai huarmica chai llacta yaicunaman rishpa, pushac yuyaccunaman huillashpaca: “Ñuca cuñadoca huañuc huauquipac shutita mana israelpurapi jatarichisha ninchu. Cuñadollatac cazarana cashcataca mana pactachisha ninchu” ninga.

DEUTERONOMIO 25:9

chai huarmica pushac yuyaccunapac ñaupapimi cuñadopac cuchuman cuchuyachishpa, ushutata llucchishpa, ñahuipi tucashpa: “Cashnami huasi familiapac shutita mana jatarichisha nictaca ruhuana” ninga.

RUT 1:2

Chai runaca Elimelecmi carca. Paipac huarmica Noemimi carca. Churicunaca Mahlón, Quelionmi carca. Paicunaca Judá llacta Belén pueblomanta efrateopurami carca. Moab llactaman chayashpaca chaipi causangapacmi saquirircacuna.