RUT 4:10 - Dios Rimashcata Quillcashcami

¹⁰ Huañuc Mahlonpac huarmi moabitapura Ruttaca ñuca huarmi cachunmi japini. Shinallatac huañushca cusapac allpacunapish paipac shutillapitacmi saquiringa. Shina ruhuacpimi, caipi tandanacushcacunapish, paipac familiacunapish huañushcapac shutitaca mana cungaringa. Chaitaca cancunallatacmi ricucunguichic— nirca.

RUT 4:10 Iomraidhean Croise

GÉNESIS 29:27

Shinaca Leapac semana bodatarac pactachi, quipataca Raqueltapish cushallami. Paimantapish cutinmi canchis huatata trabajana cangui— nirca.

GÉNESIS 38:9

Onanca paimanta charishca huahuacunaca mana paipac huahua shina tucuna cashcatami yacharca. Chaimantami ima horas paipac huauquipac huarmipi chayarishpaca, mana huahuata charingapac canzhallapi tucuchic carca.

SALMOS 109:15

Chai juchacunaca tucui causaipi Mandac Diospac ñaupapi ricurichun. Cai pachapi ama ashtahuan yuyarichunca Diosllatac tucuchichun.

SALMOS 34:16

Mandac Diosca millaita ruhuaccunataca piñanmi. Paicunapac shuticunata pipish ama yuyarichunmi cai pachamanta chingachin.

PROVERBIOS 18:22

Maijanpish huarmita taricca allitami tarin. Mandac Dios cuyashpa cushcatami chasquin.

PROVERBIOS 19:14

Taitamantaca huasita, shinallatac pai ima charishcacunatami chasquingui. Ashtahuanpish Mandac Diosmantaca alli yuyaiyuc huarmitami chasquingui.

ISAÍAS 48:19

Cancunapac huahua huahuacunaca tiyu shina achcami canman carca. Cambac huahua huahuacunaca ñuto allpa shina achcami canman carca. Cancunapac shutitaca manatac chingachinmanchu carcani. Ñuca ñaupamantapish mana anchuchimanchu carcani.

OSEAS 12:12

Ashtahuanpish Israel nishca Jacoboca Aram llactamanmi miticushpa rirca. Paica huarmihuan cazarangapacmi ovejacuna michishpa servishpa causarca.

OSEAS 3:2

Shina nicpimi, chai huarmitaca chunga pichca ciclos cullquihuan, shuc homer chaupi cebadahuan randircani.

ZACARÍAS 13:2

Tucuita Mandac Diosca: «Chai punzhapica cai llactapi tiyac ruhuashcalla dioscunapac shuticunataca tucuitami anchuchisha. Chai dioscunataca mana ashtahuan yuyaringacunachu. Llulla huillaccunatapish, mapayachic espiritutapish cai llactamanta anchuchishami.

MALAQUÍAS 2:14

Ashtahuanpish cancunaca: «¿Imamantatac mana chasquin?» ninguichicmi. Cancunallatacmi huambrarac cashpaca, cazarashca cashpapish huarmita shitarcanguichic. Chaitami Mandac Diosca ricurca. Chai huarmica canhuan cazarashpa ari nishcami carca.

EFESIOS 5:25

Cusacunapish, Jesucristo tandanacushca criccunata cuyac shina, cancunapac huarmicunata cuyaichic. Jesucristoca tandanacushca criccunata cuyashpami huañurca.

DEUTERONOMIO 25:6

Chai huarmi punta cari huahuata charicpica, huañuc huauquipac shutitami shutichina can. Shina shutichicpimi, israelcunapurapi paipac shutica mana chingaringa.

HEBREOS 13:4

Tucuimi cazado causaica, valishca cashcata yuyana can. Ama huainayaichicchu. Huainayaccunatapish, huaclliccunatapish Diosca taripashpa llaquichingami.

JOSUÉ 7:9

Chashna tucushcata cananeocunapish, cai llactapi tucui causaccunapish yachashpaca, ñucanchicta muyunacushpami, ñucanchic shuticunatapish cai pachamanta chingachinga. Chashna ruhuacpica, cambac jatun shuti alli nishca catichunca, ¿imatatac ruhuagringuiyari?— nirca.

RUT 4:9

Shina cucpimi, Boozca pushac yuyaccunatapish, chaipi tiyacuc tucui gentecunatapish: —Cunanca cancunallatacmi ricunguichic. Elimelecpac, Quelionpac, Mahlonpac tucui ima charishcacunatami Noemipac maquimanta japini.