RUT 3:9 - Dios Rimashcata Quillcashcami

⁹ Chaipimi Boozca: —¿Pitac cangui?— nirca. Shina tapucpimi Rutca: —Canta servic Rutmi cani. Can cuchulla familiapura cashcamantaca canta servic ñucataca jahualla cambac churanahuanpish catachiyari— nirca.

RUT 3:9 Iomraidhean Croise

EZEQUIEL 16:8

Cutinllatac cambac ladota pasacushpami, cantaca ña cuyanalla huarmi cashcata ricurcani. Ñuca churanahuanmi cambac lluchulla cuerpota tapachircani. Chashna ruhuashpami, canhuanca ari ninacurcani. Canca ñucapacllami tucurcangui. Chaitaca Mandac Dios ñucami nini.

SAN LUCAS 14:11

Maijanpish “allimi cani” nictaca, “mana allichu cangui” ningami. Maijanpish “mana allichu cani” nictaca, “allimi cangui” ningami» nirca.

RUT 2:20

Shina nicpimi, Noemica paipac nuerataca: —¡Paitaca, Mandac Dios bendiciachun! Paica huañushcacunatapish, ñucanchic causaccunatapish llaquishcami— nirca. Chai quipaca: —Chai runaca ñucanchicpac familiamari. Paimi ñucanchicta ayudai pudinga— nirca.

RUT 3:10

Shina nicpimi Boozca: —Ñuca huahualla, cantaca Mandac Dios bendiciachun. Cunan can ruhuashpaca puntapi ruhuashcata yallimi allita ruhuashcangui. Mosocunataca charictapish, mana charictapish mana mashcangapac rishcanguichu.

RUT 3:12

Ari, cambac familiami cani. Shina cacpipish, ñucatapish yalli ashtahuan cuchulla familiami tiyan.

RUT 3:8

Chaupi tutata Booz shuc ladoman muyurishpaca chaquipi shuc huarmi siricucta sintishpami mancharirca.

RUT 4:4

Caitami canman huillashpa, shinallatac caipi tiyaccunapac ñaupapi, ñuca pueblopi pushac yuyaccunapac ñaupapi can randichun nisha nicurcani. Can randisha nishpaca randi. Cutin mana randisha nishpaca ñucaman huillailla. Chaica, canmi randi pudingui, cutin can mana randisha nicpica, ñucallami randi pudini, ashtahuanpish pipish mana randingachu— nirca. Shina nicpimi, chai familia runaca: —Ñuca randisha— nirca.

RUT 4:6

Shina nicpimi, chai runaca: —Shina cacpica, mana randinata pudinichu. Ñuca charishcataca mana yanga chingachisha ninichu. Ñucapac randi can randisha nishpaca randilla. Ñucaca mana chaita ruhuai pudinichu— nirca.

1 SAMUEL 25:41

Shina nicpimi, Abigaíl allpacaman cumurishpaca: —Riqui, Davidta servic ñucaca caipimi cani. Chaimanta ñucata mandacpac serviccunapac chaquitapish jahuashallami— nirca.