RUT 3:13 - Dios Rimashcata Quillcashcami

¹³ Cunan tutaca caipi pacarilla. Caya punzha pai ayudasha nishpaca ayudangami. Pai mana nicpica, Mandac Diospish ricucunmi. Canta ayudangapac ari nishami. Cunanca pacaringacaman samarilla— nirca.

RUT 3:13 Iomraidhean Croise

JEREMÍAS 12:16

Chai llactapi causaccunaca ñuca acllashcacunataca Baal diospac shutipi ari ninatami yachachirca. Chashna yachachishca cashpapish, ñuca acllashcacunahuan pacta: “Mandac Dios ñucapac shutipi” ari ninga. Chashna causashpami ñuca acllashcacunapac chaupipi alli causanga.

JEREMÍAS 4:2

Mandac Dios ñucapac shutipi ari nishpaca, mana llullashpa cashcata nichic. Shina ruhuacpica, shuctac llactacunapi causaccunapish, ñucamantami bendiciashca canga. Ñucahuanmi cushicunga.

2 CORINTIOS 1:23

Corintoman ñuca risha nicushpapish, cancunata mana llaquichingaraicumi manarac rini. Chaitaca ñuca almata ricuc Diosllatacmi yachan.

HEBREOS 6:16

Gentecunaca paicunamanta yalli runapac shutipi ari nincuna. Shina ari nishca quipaca, imatapish cutinca ña mana nincunachu.

JUECES 8:19

Shina nicpimi Gedeonca: —¡Paicunaca ñuca mamamanta huauquicunami! ¡Mandac Diospac shutipimi nini: Paicunata mana huañuchishca cacpica, ñucapish mana huañuchimanchu!— nirca.

RUT 2:20

Shina nicpimi, Noemica paipac nuerataca: —¡Paitaca, Mandac Dios bendiciachun! Paica huañushcacunatapish, ñucanchic causaccunatapish llaquishcami— nirca. Chai quipaca: —Chai runaca ñucanchicpac familiamari. Paimi ñucanchicta ayudai pudinga— nirca.

RUT 3:12

Ari, cambac familiami cani. Shina cacpipish, ñucatapish yalli ashtahuan cuchulla familiami tiyan.

RUT 4:5

Shina nicpimi Boozca: —Noemipac maquimanta allpata randicui punzhallatami, moabitapuramanta viuda Ruthuanpish cazarana cangui. Chai allpapish huañushca cusapac shutillapitac saquirichunmi chashnaca ruhuana cangui— nirca.

RUT 4:6

Shina nicpimi, chai runaca: —Shina cacpica, mana randinata pudinichu. Ñuca charishcataca mana yanga chingachisha ninichu. Ñucapac randi can randisha nishpaca randilla. Ñucaca mana chaita ruhuai pudinichu— nirca.