RUT 2:12 - Dios Rimashcata Quillcashcami

¹² ¡Can chashna ruhuashcamantaca Mandac Dios imata japina cashcata cuchun! Can japina cashcataca israelcunata Mandac Dios tucuita cuchun. Canca paipac rigra ucupi miticungapacmi shamushcangui— nirca.

RUT 2:12 Iomraidhean Croise

SALMOS 17:8

Cambac ñahui santa luzta shina cuidaiyari. Cambac alas ucupi pacaiyari.

SALMOS 19:11

Canta servic ñucaca chai shimicunahuanmi cunashca cani. Chaicunata cazucpica sumac japinami tiyan.

SALMOS 36:7

¡Mandac Dioslla, cambac cuyaica mai sumacmari! Chaimantami huañuclla aichayuc runacunaca cambac alas ucupi miticuncuna.

SALMOS 57:1

Ñuca Dioslla, ñucata llaquiyari, ñucata llaquiyari. Canpimi ñuca shunguta churani. Cai jatun llaqui pasangacaman cambac alas ucupi miticusha.

SALMOS 58:11

Shina cacpimi runaca: «Cashcata ruhuaccunaca allitami japina. Cai pachapi causaccunata taripacca sumac Diosmi» ningacuna.

SALMOS 61:4

Huiñai huiñaitami canhuan tupana huasipi causasha, cambac alas ucupimi miticusha. Chaipica imata mana manchashachu.

SALMOS 63:7

Canmi ñucata ayudac cangui. Cambac rigra ucupi cashpami cushicushpa cantasha.

SALMOS 91:4

Paipac plumahuan pacashpami, paipac alas ucupi cuidashpa charinga. Cashcata nic cashcahuanmi escudo shina, fierro churana shina huacaichinga.

PROVERBIOS 11:18

Diosta mana manchac runa trabajashpa imata japishcaca yangallami. Ashtahuanpish tarpuc shina cashcata ruhuac runaca mana tucuriclla allicunatami japinga.

PROVERBIOS 23:18

Chashna cacpica, shamuc punzhacuna canman allimi canga. Shinallatac can shuyacushcaca mana yangachu canga.

JEREMÍAS 31:16

Mandac Diosca: «Ama ashtahuan huacaichu, cambac ñahuimanta huiquita pichaiyari. Can llaquita apashcamantaca allitami cusha, piñaccunapac llactamantaca cutimungacunami.

SAN MATEO 23:37

¡Jerusalén, Jerusalén! ¡Canmi Dios ima nishcata huillaccunata huañuchingui! Dios huillachun cachashcacunatapish rumihuanmi shitangui. Tauca cutinmi mama huallpa chuchicunata ucllac shina, tandachisha nircani. Chashna tandachisha nicucpipish, mana uyarcanguichu.

SAN MATEO 5:12

Chashna llaquichicpipish, ¡cushicuichiclla! Diosca jahua pachapimi, cancuna japina cashcata yallita cunga. Ñaupa punzhapipish Dios ima nishcata huillaccunataca llaquichircacunami.

SAN MATEO 6:1

Ama gentecuna ricucucllapi allita ruhuaichicchu. Chashna ruhuacpica, jahua pacha Diosca, ima allita mana cungachu.

SAN LUCAS 6:35

Cancunata piñaccunata cuyaichic, paicunaman allita ruhuaichic. Imata mañachishpaca, ama chasquina yuyaihuan caichicchu. Chashna ruhuashpami, allicunata japinguichic. Jahua pacha Diospac huahuacunapishmi canguichic. Diosca mana paita pagui niccunatapish, millaicunatapish llaquinmi.

COLOSENSES 2:18

«Diosta alli cazuccunami canchic» nishpa nic tucuccuna, «angelcunata alli niccunami canchic» niccuna, shinallatac «muscuipi imatapish ricuccunami canchic» niccuna pandachichunca, ama saquinguichicchu. Paicunaca imamantapish “allimi canchic” mana nirina cashpapish, paicunapac yuyaillamantami “allimi canchic” nirincuna.

2 TIMOTEO 1:18

Chashna cashcamanta Apunchic Jesusllatac tucuita taripana punzhapica, mai llaquishca cachunmi nini. Efeso pueblopi ima shina allicunata ruhuashpa cushichishcataca, canllatacmi alli yachangui.

2 TIMOTEO 4:8

Cunan punzhamanta pachami cashcata ricuchic, ñucaman cuna cashca coronata Diosca charicun. Chaitaca cashcata ruhuashpa taripac Apunchic Jesucristomi, taripana punzhapi, mana ñucallaman ashtahuanpish tucui pai cutimuna punzhata cuyaihuan shuyaccunaman cunga.

HEBREOS 11:26

Egipto llactapi achcata charic canatapish saquishpami, Cristo shinallatac llaquita apanata ashtahuan munarca. Chaica Dios cuna cashcata japina yuyailla cashpami, chaita munarca.

HEBREOS 11:6

Diosman cuchuyangapacca, pai tiyashcatapish, pai ima mañashcata cuc cashcatapish crinami can. Mana crishpaca, Diospac munaita mana ruhuai pudinchu.

HEBREOS 6:10

Cashcata ruhuac Diosca cancuna imata ruhuashcatapish, sarunpish, cunanpish paipaclla caccunata cuyaihuan servishcacunataca, manatac cungaringachu.

RUT 1:16

Ashtahuanpish Rutca: —Canta saquishpa, canmanta caruyachun ama mañaichuyari. Can maiman ricpipish, ñucapish chaimanmi risha. Can maipi causacpipish chaipimi causasha. Cambac llactapish ñuca llactami canga. Cambac Diospish ñuca Diosmi canga.

RUT 2:11

Shina nicpimi Boozca: —Cambac cusa huañushca quipa cambac suegramanta tucui imata ruhuashcatapish yachanimi. Cambac taita mamatapish, cambac huacharishca llactatapish saquishpami, mana ricsishca llactaman causangapac shamushcangui.

RUT 2:13

Shina nicpimi Rutca: —Ñucata mandaclla, ñucaca, canta servic huarmicunapuramanta maijan huarmi shinapish mana canichu. Chashna cacpipish, sumacta rimashpami ñuca shungupi cushichishcangui. Chashnami ñucaca cambac ñahuipi alli ricurishcani— nirca.

RUT 4:15

Paica cambac nuerapac huahua cashcamantami cantaca cushichinga shinallatac cuidanga. Canta cuyac nueraca achca sumacmi. Canchis cari huahuacunata atishpami ashtahuan alli» nircacuna.

1 SAMUEL 24:19

Shuc runa paita piñacta paipac maquipi charicushpaca ¿Mana imata ruhuashpa richun cacharishpa cachanmanllachu? ¡Cunan punzha ñucata can mana huañuchishcamantaca Mandac Diosllatac canman allicunata cuchun!

1 SAMUEL 24:20

Cunanca can mandac tucunatapish allimi yachani. Israelcunata mandanaca cambac maquipimi huiñaita alli canga.