RUT 2:10 - Dios Rimashcata Quillcashcami

¹⁰ Shina nicpi, Rut pambacaman cumurishpaca: —Can ñucata alli chasquichunca, ¿imamantatac cambac ñahuipi alli ricurircaniyari? Ñucaca shuctac llactamanta shamushcallami cani— nirca.

RUT 2:10 Iomraidhean Croise

GÉNESIS 18:2

Abraham huichailla ricushpaca, paipac ñaupapi quimsa runacuna shayacuctami ricurca. Abraham chaita ricushpa, chai carpa huasi pungumanta callpa rishpa, paicunahuan tupashpa, pambacaman cumurishpaca:

2 SAMUEL 19:28

Ñuca taitapac huasi ucupuraca tucuimi can jatun mandacpac ñaupapi huañuna carca. Shina cashpapish ñucata mana huañuchishpa, canta servic ñucataca cambac cayashcacunahuan micuchun mizapi churarcangui. Cunanca, can jatun mandacman imata ashtahuan mañanatapish mana pudinichu— nirca.

2 SAMUEL 7:18

Chashna huillacpi, David Mandac Diospac ñaupaman yaicushpaca: «Mandac Dioslla, ñucapish, ñuca huasi ucupurapish, ¿ima cacpitac caiman cayachircangui?

2 SAMUEL 9:8

Shina nicpimi, Mefi-boset cumurishpaca: —Jatun mandaclla, ñuca huañushca allcu shinamanca, ¿ima nishpatac chashna allicunata ruhuasha ninguiyari?— nirca.

LEVÍTICO 19:34

Paicunataca cancunapura cashca shinallatac cancunapac llactapica cuyanguichic. Cancunaca Egipto llactapica pozashpallami causacurcanguichic. Chaimanta cancuna ima shinami cuyaringuichic, chashnallatac paicunatapish cuyanguichic. Ñucami Mandac Dios cani.

SAN MATEO 25:35

Ñuca yarcaihuan cacpica, cararcanguichicmi. Yacunayaihuan cacpipish, ubiachircanguichicmi. Samarinata mana charicpipish, pozachircanguichicmi.

SAN LUCAS 1:43

¿Ima shinatac ñucata Mandacpac mamaca ricuc shamunguiyari?

SAN LUCAS 1:48

Diosca huaccha servic huarmitami acllashca. Cunanmanta pachami huahua huahuacuna ñucataca ‘allimari cangui’ nicunga.

ROMANOS 12:10

Huauquindipura shina caishuc chaishuc-huan cuyanacuichic. Shuccunahuan sumacta causaichic.

RUT 2:11

Shina nicpimi Boozca: —Cambac cusa huañushca quipa cambac suegramanta tucui imata ruhuashcatapish yachanimi. Cambac taita mamatapish, cambac huacharishca llactatapish saquishpami, mana ricsishca llactaman causangapac shamushcangui.

RUT 2:13

Shina nicpimi Rutca: —Ñucata mandaclla, ñucaca, canta servic huarmicunapuramanta maijan huarmi shinapish mana canichu. Chashna cacpipish, sumacta rimashpami ñuca shungupi cushichishcangui. Chashnami ñucaca cambac ñahuipi alli ricurishcani— nirca.

RUT 2:19

Chaita ricushpami paipac suegraca: —¿Cunanca maipitac chalarcangui? ¿Maipitac trabajarcangui? ¡Can chalachun alli chasquic runamanca allicunata cushca cachun!— nirca. Shina nicpi, Rut pihuan trabajashcata paipac suegraman parlashpaca: —Ñucaca Booz shuti runapac cosechapimi chalamuni— nirca.

RUT 2:2

Shuc punzhami Rutca Noemitaca: —Cosechana pambaman rishpa chalagringapac ñucata saqui. Maijanpac ñahuipi alli ricurishpaca paipac huashata catishpa pallacushallami— nirca. Shina nicpimi Noemica: —Ñuca huahualla rilla— nirca.

RUT 2:9

Ñucata serviccunataca cantaca ama imata nichunmi mandarcani Chaimanta maipi ñuca serviccuna cosechangapac ricpica, catishpa ringuilla. Can yacunayachishpaca, ñuca serviccuna llucchishca yacu puñucunamanta ubianguilla— nirca.

1 SAMUEL 25:23

Abigaíl huarmi Davidta ricushpaca, burromanta uricushcahuanmi Davidpac ñaupapi pambacaman cumurirca.