RUT 1:6 - Dios Rimashcata Quillcashcami

⁶ Noemica Moab llactapi cashpami: “Mandac Diosca pai acllashcacunata llaquishpami cutinllatac granota pucuchi callarishca” nicta uyarca. Shina uyashpami paipac ishcai nueracunandi Moab llactamanta cutirca.

RUT 1:6 Iomraidhean Croise

GÉNESIS 21:1

Mandac Diosca pai nishca shinami Sarataca ricuc shamurca. Pai imata ruhuasha nishca shinallatacmi Saramanca pactachirca.

GÉNESIS 28:20

Chaipimi Jacoboca: «Dioslla, can ñucahuan cashpaca, ñuca rina ñanpi micunatapish, churanatapish cushpa, alli pushangui.

GÉNESIS 48:15

Shina churashpa Joseta bendiciashpaca: «Taita Abrahampac, Isaacpac Dioslla, cambac ñaupapimi paicunaca purirca. Ñucatapish huacharishcamanta cunan punzhacaman huacaichic Dios,

GÉNESIS 50:25

Joseca taita Israelpac churicunataca: —Dios shamushpaca, cancunataca pushangatacmi. Chashna pushacpica, ñuca tullucunatapish apanguichic— nishpami, Diospac shutipi ari nichirca.

SALMOS 102:14

Canta serviccunaca pueblo urmashca rumicunatami cuyacun! Chai pueblo ñuto allpatami llaquincuna.

SALMOS 111:5

Paita manchaccunamanca micunatami carashca. Paihuan ari nishcatapish, huiñaitami yuyaricunga.

SALMOS 132:15

Achca micunatami bendiciasha. Huacchacunapish mana nictami micunga.

SALMOS 145:15

Tucuimi canllata chapacuncuna. Paicuna micunataca micuna horasmi carangui.

SALMOS 146:7

Paica llaquichishca causaccunaman cashcata ruhuacmi. Yarcaihuan caccunaman caracmi. Mandac Diosca llaquipi causaccunata cacharichicmi.

SALMOS 147:14

Cambac llactapi cushi causaita cushpami, micuchunpish alli trigota mana nicta caran.

ÉXODO 3:16

Can rishpa, israelcunata pushac yuyaccunata tandachishpaca: “Cancunapac ñaupa taita Abrahampac, Isaacpac, Jacobopac Diosmi ñucaman ricurishpa: ‘Ñucami ricuc shamurcani. Egiptopi ima shina llaquichicushcata ricurcanitacmi.

ÉXODO 4:31

Chai huillashcata uyashpaca, paicuna llaquita apacucta ricushpa, ayudangapac shamushcata yachashpami, israelcunaca crircacuna. Chaimantami Mandac Diostaca cumurishpa, allimari cangui nircacuna.

PROVERBIOS 30:8

Yangalla yuyaitapish, llullanatapish ñucamanta anchuchiyari. Shinallatac chayucyana yuyaitapish, huacchayana yuyaitapish ama cuichu.

ISAÍAS 55:10

Tamyapish, rasupish jahua pachamanta urmashpaca, mana chaillamantac cutinchu. Ashtahuanpish allpata jucuchishpami granota pucuchin. Chaimantami tarpuc runaca muyupacpish, micungapacpish charin.

JEREMÍAS 29:10

Cutinllatacmi Mandac Diosca: Cancuna Babilonia llactapi canchis chunga huata cacpimi, cancunata ricuc shamusha. Chaipimi ñuca huillashcata pactachishpa, cancunaman allita ruhuashpa, cai llactaman cutichimungapac risha.

JOEL 2:19

Mandac Diosca paicuna mañashcata uyashpaca: «Ñuca micunatapish, llullu vinotapish, aceitetapish cucpi, mana nicta micunguichicmi. Llactacunapi burlashpa pingaichichunpish mana saquishachu.

SOFONÍAS 2:7

Chai allpaca maijan saquirishca Judapac huahuacunapacmi canga. Chaipimi michinga. Tutaca Ascalón llacta huasicunapimi sueñunga. Paicunata Mandac Dios ricurishpami prezumanta cutichimunga.

SAN MATEO 6:11

Punzhanta micuna tandataca, cunan punzhapish carai.

SAN LUCAS 1:68

«Israelcunata Mandac Diosca alli nishca cachun. Paimi pai acllashcacunata quishpichingapac shamushca.

SAN LUCAS 19:44

Cai pueblota urmachishpa, caipi causaccunatapish tucuchingami. Shuc rumillapish pircashcaca mana saquiringachu. Dios quishpichingapac shamucpi, mana chasquishcamantami llaquita apanguichic” nirca.

1 TIMOTEO 6:8

Shina cashcamanta ñucanchic churaringapac, micungapac charishpaca, cushilla cashunchic.

1 PEDRO 2:12

Diosta mana cazuccunapac ñaupapica allita ruhuashpa causaichic. Shina causacpimi, cancunataca millaita ruhuaccuna nishpa juchanchishpapish, cancuna allita ruhuacushcata ricushpa Dios taripana punzhapica Diosta “allimari cangui” ningacuna.

RUT 1:5

Chai quipaca Mahlonpish, Quelionpish huañurcami. Chaimantami Noemica ishcai huahuacunapish, cusapish huañucpi, pailla saquirirca.

RUT 1:7

Noemica pai causacushca pushtumantami ishcai nueracunandi Judá llactaman cuti callarirca.

1 SAMUEL 2:21

Anaman Mandac Dios allicunata cucpimi, huicsayuc tucushpa quimsa cari huahuata, ishcai huarmi huahuata charirca. Samuel huambraca Mandac Diospac ñaupapimi huiñarca.