RUT 1:17 - Dios Rimashcata Quillcashcami

¹⁷ Maipimi can huañungui, chaipimi ñucapish huañusha, chaillapitacmi enterrashca casha. Ñuca nishcata mana pactachishpa canta saquishpa ricpica, Mandac Diosllatac yallita llaquichichun. Ñucanchic ishcaimantaca huañushpami raquirishun— nirca.

RUT 1:17 Iomraidhean Croise

2 SAMUEL 15:21

Shina nicpimi Itaica: —¡Mandac Diosmantami nini! ¡Canta servic ñucaca maipi huañuna cacpipish, causana cacpipish, can jatun mandac-huanmi casha!— nirca.

2 SAMUEL 19:13

Shinallatac Amasaca: “¿Canca manachu ñuca tullullatac, ñuca aichallatac cangui? Cunanmanta ñaupaman Joabpac randi tucui soldadocunata mandac cachun churacpica, Mandac Diosllatac ñucata llaquichichun ninmi” nigrichic» nirca.

2 SAMUEL 3:35

Chashna huacacucpimi manarac chishiyacpi, tucui gentecuna jatun mandacpacman chayarishpaca ashallatapish micuiyari nirca. Shina nicpipish mandac Davidca: «¡Manarac inti yaicucpi, tandata mana cashpaca imallatapish ñuca micucpica, Dios ashtahuan ñucata llaquichichun!» nishpa ari nirca.

2 SAMUEL 3:9

Mandac Dios Davidman cushami nishca pactachun Davidta mana ayudacpica, ñucata ashtahuan llaquichichun.

1 REYES 13:31

Chashna enterrashca quipami, paipac churicunataca: «Ñuca huañucpica, Diospaclla runata enterrashca jutcullapitac enterranguichic. Ñuca tullucunataca paipac tullu ladollapitac churanguichic.

1 REYES 19:2

Shina huillacpimi, Jezabel Eliasman huillachun shuc huillacta cachashpaca: «Chai huillaccunata huañuchishca shinallatac cantapish caya cashna horasllatatac mana huañuchicpica, ñucatapish dioscunaca yallita llaquichichun» nishpami huillachun cacharca.

1 REYES 2:23

Shina nishpami, jatun mandac Salomonca, Mandac Diospac ñaupapi ari nishpaca: «Adoniasca paillatac huañungapacmi cai shimicunata nishca. Paita mana huañuchicpica, Dios yallita llaquichichun.

1 REYES 20:10

Shina huillacpimi, Ben-adadca Acabman huillachun cutin cachashpaca: «Cai Samaria puebloca ñuca soldadocuna maqui junda allpata apashpa ringapacpish mana pactangachu. Mana chashna ruhuacpica, ñuca dioscuna yallita llaquichichun» nishpa cacharca.

2 REYES 6:31

Chai quipami jatun mandacca: «¡Safatpac churi Eliseopac umata cunan mana piticpica, Diosllatac yallita llaquichichun!» nirca.

SALMOS 45:10

Riqui ñuca huahualla, cambac ringrita mañachishpa uyai. Cambac llacta gentecunatapish, familiatapish cungarilla.

HECHOS 11:23

Bernabé chaiman chayashpaca, Diosca yallita cuyashpa, quishpichishcata ricushpami cushicurca. Tucui criccunatami Apunchic Jesusllata tucui shunguhuan cazuchun rimarca.

HECHOS 20:24

Huañuna cacpipish, ñucaca mana llaquirinichu, ashtahuancarin Dios cuyac cashcata Apunchic Jesús huillachun nishcatami huañuna punzhacaman cushicushpa pactachina cani.

RUT 1:16

Ashtahuanpish Rutca: —Canta saquishpa, canmanta caruyachun ama mañaichuyari. Can maiman ricpipish, ñucapish chaimanmi risha. Can maipi causacpipish chaipimi causasha. Cambac llactapish ñuca llactami canga. Cambac Diospish ñuca Diosmi canga.

RUT 4:15

Paica cambac nuerapac huahua cashcamantami cantaca cushichinga shinallatac cuidanga. Canta cuyac nueraca achca sumacmi. Canchis cari huahuacunata atishpami ashtahuan alli» nircacuna.

1 SAMUEL 14:44

Shina nicpimi Saulca: —¡Mandac Dios chashna ruhuachun! Canta mana huañuchicpica, Mandac Dios chaitapish yallita llaquichichun— nirca.

1 SAMUEL 20:13

Ashtahuanpish ñuca taita canta llaquichisha nicushcata yachashca jahua mana huillacpica, Mandac Diosllatac sinchita, ñucata llaquichichun. Mandac Diosca ñuca taitata pushashca shinallatac cantapish alli pushachun.

1 SAMUEL 25:22

Shina cashcamanta paipac huasi ucupurata caya tutamantacaman tucui caricunata ñuca mana huañuchicpica, ¡chaimantapish yallita Dios ñucata llaquichichun!» nirca.

1 SAMUEL 3:17

Shina nicpimi Elica: —¿Diosca imatatac canman huillarca? Pai ima nishcataca mana pacashpa huillai. Canman tucui ima parlashcata pacashpa mana huillacpica, Diosllatac cantaca yallita llaquichichun— nirca.