PROVERBIOS 9:7 - Dios Rimashcata Quillcashcami

⁷ Burlashpa asic runata cunashpa rimacca pingaipimi taririn. Diosta mana manchac runata jarcashpa rimacca shucpac rimanami tucun.

PROVERBIOS 9:7 Iomraidhean Croise

1 REYES 18:17

Acabca Eliasta ricushpaca: —¿Canchu israelcunata llaquichic cangui?— nirca.

1 REYES 21:20

Acabca Eliasta ricushpaca: —Ñucahuan mana alli cac runami caipi tupangapac shamushcangui— nirca. Shina nicpimi Eliasca: —Canllatac caturic shina, Mandac Diospac ñaupapi mana allita ruhuashcamantami canhuan tupangapac shamuni.

1 REYES 22:24

Shina nicpimi, Quenaanapac churi Sedequías Micaiaspacman cuchuyashpa ñahuipi huactashpaca: —Mandac Diospac espirituca ¿Maijan ñantata ñucamanta anchurishpaca canman huillangapacca rircayari?— nirca.

1 REYES 22:27

Paicunataca: “Jatun mandacca: ‘Cai runata carcelpi churashpa asha tandata, asha yacuta cushpa, ñuca allilla cutingacaman llaquichishpa charicuichic’ ninmi” nigrichic— nirca.

2 CRÓNICAS 36:16

Ashtahuanpish paicunaca Mandac Dios cachashca huillaccuna huillashcata mana cazushpami asircacuna. Dios huillachishca shimita yangapi churashpami, Dios ima nishcata huillaccunata burlarcacuna. Pai acllashcacuna chashna yallita llaquichicpimi, Mandac Diosca yallita piñarishpa, ima shina mana jarcari pudishpa llaquichirca.

JOB 5:17

¡Dios llaquichishca runaca alli nishcami can! Tucuita ruhuac Dios llaquichicpica, ama yangapi charinguichu.

PROVERBIOS 13:1

Yachaisapa churica taita cunashcataca chasquinmi. Ashtahuanpish burlac churica cunashcata manatac uyanchu.

PROVERBIOS 15:12

Burlashpa asic runaca paita cunactaca piñanmi. Yachaisapacunahuanca mana tandarinchu.

PROVERBIOS 23:9

Yuyai illac runataca ama rimanguichu. Can cushca alli yuyaitaca mana chasquisha ningachu.

ISAÍAS 36:21

Chashna nicucpipish, imata mana nishpa, upalla uyarcacunallami. Chaica, jatun mandac Ezequiasmi paicunataca: “Imatapish ama rimanguichicchu” nishca carca.