PROVERBIOS 9:12 - Dios Rimashcata Quillcashcami

¹² Yachaisapa cashpaca, chaica canllamantacmi alli canga. Burlashpa asic cashpaca, canllatacmi llaqui tucungui.

PROVERBIOS 9:12 Iomraidhean Croise

JOB 19:4

Ñuca mana allita ruhuashpa pandarishca cacpipish, ñucami llaquichishca casha.

JOB 22:21

Cunanca Dios-huan alli tucuiyari. Sumac causaitami charingui. Chaimantaca allicunatami japingui.

PROVERBIOS 14:14

Mana cazuc runaca pai mana allita ruhuashcahuanmi cushilla canga. Ashtahuanpish allita ruhuac runaca pai allita ruhuashcahuanmi cushicunga.

PROVERBIOS 16:26

Huicsata yarcanamantami trabajac runaca trabajan. Yarcacpimi imallatapish ruhuan.

PROVERBIOS 19:29

Burlashpa asiccunata llaquichingapacca allichishcami tiyacun. Yuyai illac runacunata lomopi azotinapish allichishcami tiyacun.

ISAÍAS 28:22

Cunanca, cancunata huatashca huascahuan ama ashtahuan sipichunca mana burlanachu canguichic. Chaica, tucuita Mandac Dios cai llactata tucuchinata yuyarishcatami uyarcani.

EZEQUIEL 18:20

Maijanpish quiquin juchamantami huañunga. Churica taitapac juchamantaca mana huañungachu. Shinallatac taitapish churipac juchamantaca mana huañungachu. Cashcata ruhuac runaca allitami japinga. Mana allita ruhuac runaca llaquitami apanga.

ZACARÍAS 12:14

Tucui caishuc huahuacunapish caricunapura tucushpa, huarmicunapish huarmipura tucushpami huacanga» ninmi.

GÁLATAS 6:5

Diospac ñaupapica quiquin ima shina causashca shinallatacmi ricuringa.

2 PEDRO 3:16

Tucui pai quillcashcallapitacmi Pabloca caicunamanta rimashpa quillcashca. Shina cacpipish maijan quillcacunata mana entendipactac quillcashca cacpimi, cai quillcacunatapish, Dios quillcachishca shuctac quillcacunatapish imata mana yachac, manarac sinchi criccunaca shuctacman entendishpa, pandata yachachishpa, paicunallatac chingaringapac ricuncuna.