PROVERBIOS 8:7 - Dios Rimashcata Quillcashcami

⁷ Ñuca shimihuanca mana llullashpami yachachigrini. Ñuca shimica llullanataca millanayachinmi.

PROVERBIOS 8:7 Iomraidhean Croise

JOB 36:4

Ñuca rimashcacunaca mana llullachu. Yuyaisapa runami canhuanca parlacun.

SALMOS 37:30

Cashcata ruhuac runaca alli yachashca rimaicunatami riman. Paipac calluca imapish cashcallatatacmi riman.

PROVERBIOS 12:22

Llulla shimicunataca Mandac Diosca mana ricunayachinchu. Ashtahuanpish mana llullac runacunahuanmi cushicun.

PROVERBIOS 16:12

Jatun mandaccuna yalli mana allita ruhuanataca millanayachinmi. Ashtahuanpish cashcata ruhuashpami pai mandanataca allita sinchiyachinga.

PROVERBIOS 29:27

Cashcata ruhuaccunaca mana allita ruhuac runataca millanayachinmi. Cutin Diosta mana manchac runaca allita ruhuashpa causaccunatami millanayachin.

SAN JUAN 1:17

Diosca, pai mandashcacunata ricuchichunca, Moisestami cacharca. Ashtahuanpish Dios cuyac, cashcata nic cashcataca, Jesucristo cachashpami ricuchirca.

SAN JUAN 14:6

Shina nicpimi Jesusca: —Ñucami cashcata nicpish, ñanpish, causaita cucpish cani. Maijanpish ñucallamantami Diospacman chayanga.

SAN JUAN 17:17

Paicunata cambaclla cachun cambac rimashca shimihuan millaimanta huacaichingui. Canca cashcata nicmi cangui.

SAN JUAN 18:37

Chaimantami Pilatoca: —Shinashpaca, ¿canca jatun mandacchu cangui?— nirca. Shina nicpimi Jesusca: —Ari, can nishca shinallatacmi cani. Ñucaca cashcata huillangapacmi cai pachapi huacharingapac shamurcani. Cashcata rimashcata cazuccunallami, ñuca rimashcata uyancuna— nirca.

SAN JUAN 8:14

Shina nicpimi Jesusca: —Ñucaca maimanta shamushcatapish, maiman ricushcatapish yachanimi. Chaimantami ñucallamanta huillacushcapish, mana yangalla can. Ashtahuanpish cancunaca ñuca maimanta shamushcatapish, maiman ricushcatapish mana yachanguichicchu.

ROMANOS 15:8

Cristoca, Dios ñaupa taitacunaman cusha nishcata pactachic cashcata ricuchingapacmi israelcunata servingapac shamurca.

APOCALIPSIS 3:14

Laodicea pueblopi cac tandanacushca criccunata ricuc angelman quillcai: “Dios-huan cai pachapi tucui ima tiyashcatapish ruhuac, imatapish cashcata nic, imatapish pactachic, shinallatac chashna cachunca nicca: