PROVERBIOS 7:21 - Dios Rimashcata Quillcashcami

²¹ Mishquilla rimaicunahuanmi ari nichirca. Sumac shimicunahuanmi inquitarca.

PROVERBIOS 7:21 Iomraidhean Croise

2 REYES 4:8

Shuc punzhami Eliseoca Sunem pueblota pasacurca. Chai pueblopimi shuc chayuc sunamita huarmi causarca. Chai huarmimi Eliseotaca paipac huasipi micugrichun nishpa jaculla nirca. Eliseo chai pueblota pasacushpaca, chai huarmipac huasipimi micuc carca.

NEHEMÍAS 6:4

Chuscu cutincamanmi chaillatatac nichun cacharca. Ñucapish punta nishca shinallatacmi nircani.

SALMOS 12:2

Caishuc chaishucmi shuctac runacunahuan llullanacuncuna. Imatapish nic tucuclla, mishqui shimi jayac shungucunami.

PROVERBIOS 5:3

Huainayac huarmipac shimica bunga mishqui llucshicuc shinami. Pai rimashcaca aceitetapish yalli ñutunllami.

PROVERBIOS 6:24

Chaicunaca, mana alli huarmimanta jarcangami. Shucpac huarmi mishquilla rimashcamantapish anchuchingami.

PROVERBIOS 7:22

Paica ari nishcahuanmi catishpa rirca. Huagra huañungapac ric shina, yuyai illac runa prezu japi tucushpa, llaqui tucungapac ric shinami rircalla.

PROVERBIOS 7:5

Chai alli yachachishcacunaca shucpac huarmimanta, mana ricsishca huarmi mishquillata rimashpa inquitanamantapish cuidangami.

SAN LUCAS 14:23

Chashna nicpimi amoca: “Shinashpaca mai callecunamantapish, ñancunamantapish pushamushpa, ñuca huasipi jundachi.

SAN LUCAS 24:29

Chaimantami paicunaca mana cachashun nishpa: —Ñami chishi, shinallatac tutayacun. Caillapi ñucanchic-huan saquiri— nirca. Chaimantami Jesusca paicunahuan saquirishpa, samaringapac yaicurca.

HECHOS 16:15

Chai huarmi paipac tucui familiandi bautizarishpaca: —Apunchic Jesusta ñuca cric cashcata yachashpaca, ñuca huasipi pozaichic— nirca. Chashna nishpami, ñucanchictaca saquichirca.

2 CORINTIOS 5:14

Cristo tucuimanta huañushcata yachashcamanta pachami, paipac cuyaica ñucanchicman yuyaita cun. Cristo huañushcamantami tucui mashna huañushca shina canchic.

JUECES 14:17

Shinami Sansonpac huarmica chai canchis punzha fiestacunapi huacacurcalla. Shina huacacucllapimi canchis punzhapica imata nisha nicushcataca huillarca. Chashna huillacpimi, huarmica chai pueblopi causaccunaman huillarca.

1 SAMUEL 28:23

Shina nicpipish Saulca: —Mana micusha ninichu— nirca. Ashtahuanpish, paita serviccunapish, chai huarmipish micuchun nicucllapitacmi micurca. Ña micushca quipaca, pambamanta jatarishpami camapi tiyarirca.