PROVERBIOS 7:2 - Dios Rimashcata Quillcashcami

² Ñuca mandashcacunata cazushpa causashpaca causanguimi. Ñuca yachachishcataca cambac ñahui santa luzta shina cuidangui.

PROVERBIOS 7:2 Iomraidhean Croise

SALMOS 119:144

Ima shina causanata can yachachishcaca huiñaita cashcata yachachicmi. Chai shina causangapac alli yuyaita cuiyari.

SALMOS 17:8

Cambac ñahui santa luzta shina cuidaiyari. Cambac alas ucupi pacaiyari.

PROVERBIOS 4:13

Alli yachaitaca chasquingui ama saquinguichu, chai yachaitaca alli huacaichingui. Chaimi cambac causaica.

PROVERBIOS 4:21

Cai alli yachachishcamantaca ama caruyanguichu. Cambac shungupi huacaichingui.

PROVERBIOS 4:4

Ñuca taita yachachishpaca: “Ñuca cunashpa rimashcacunata cambac shungupi huacaichingui. Ñuca mandashcacunata cazushpa causashpaca causanguimi” nircami.

ISAÍAS 55:3

Cancunapac ringrihuan uyashpa, ñucapacman cuchuyaichic. Chashna ruhuacpica, cancunapac almaca causangami. Davidhuan ari nishca shinami, cancunahuanpish huiñai huiñaita ari nisha.

JEREMÍAS 38:20

Shina nicpimi Jeremiasca: —Mana paicunapac maquipi churangachu. Cunanca Mandac Dios rimashcata ñuca huillashcata alli uyai. Chaita uyashpaca, mana llaqui tucunguichu, allimi causangui.

LEVÍTICO 18:5

Ñuca yachachishcacunata, mandashcacunata pactachinguichic. Tucui caicunata pactachishcamantami causanguichic. Ñucami Mandac Diosca cani.

ZACARÍAS 2:8

Maijanpish cancunata llaquichicca ñuca ñahui muruta tucsic shinami llaquichin. Ñucata jatunyachishca quipami cancuna ima charishcata quichuccunapac llactacunaman cachasha. Chaitaca tucuita Mandac Dios ñucami» nini.

SAN JUAN 14:21

Maijanpish ñuca mandashcacunata chasquishpa cazucmi ñucata cuyan. Ñucata cuyactaca Taitapish cuyanmi. Ñucapish cuyashpami Taitaman ricsichisha— nirca.

SAN JUAN 15:14

Cancuna ñuca mandashcacunata pactachishpaca, ñuca amigocunami canguichic.

DEUTERONOMIO 32:10

Paitaca shitashca pambapimi tarirca. Manchana chaquishca pambapimi tarirca. Paimi tucui muyundita cuidarca. Paipac quiquin ñahuita shinami huacaichirca.

APOCALIPSIS 22:14

Maijanpish causaita cuc yuramanta micungapacpish, chai puebloman punguta yaicungapacpish churanata tacshariccunamanca, ¡mai cushicuimi canga!