PROVERBIOS 6:6 - Dios Rimashcata Quillcashcami

⁶ Quilla runacunalla, hormigata ricui. Hormiga imata ruhuacta ricushpa, yachaisapa caiyari.

PROVERBIOS 6:6 Iomraidhean Croise

PROVERBIOS 1:17

Zhutacuna ricucucpi, linchita churacpica mana yaicuncunachu.

PROVERBIOS 10:26

Quilla runata mandanaca vinagreta amullishca shina, ñahuipi cushni yaicuc shinami.

PROVERBIOS 10:4

Quilla runapac maquica huacchayachinmi. Ashtahuanpish runapac maquica chayucyachinmi.

PROVERBIOS 13:4

Quilla runaca imata munacushpapish mana japingachu. Ashtahuanpish cusi runaca paipac munashcatami japinga.

PROVERBIOS 15:19

Quilla runapac ñanca cashahuan jarcashca shinami. Ashtahuanpish allita ruhuaccunapac ñanca rumihuan sumacta ruhuashca ñanmi.

PROVERBIOS 18:9

Quilla runaca imatapish tucuchic runahuanca quiquin huauquindi shinami.

PROVERBIOS 19:15

Quillanayaimi runataca yallita sueñuchin. Quilla runaca yarcaihuanmi causanga.

PROVERBIOS 19:24

Quilla runaca micunata maquipi charicushpapish paipac shimipica mana churangachu.

PROVERBIOS 20:4

Quilla runaca yapuna punzhapica mana yapunchu. Cosechana punzhapi llucshishpaca imata mana taringachu.

PROVERBIOS 21:25

Quilla runaca paipac maqui imata mana ruhuasha nicpimi, imata charinata munashpa huañucun.

PROVERBIOS 22:13

Quilla runaca: «¡Leonmi canzhapi chapacun, ñanpi japishpa huañuchingami!» ninmi.

PROVERBIOS 23:19

Ñuca huahualla, ñucata uyashpa alli yachaisapa cangui. Cambac shunguta allichishpa, alli ñanta catingui.

PROVERBIOS 30:24

Cai pachapica chuscu uchilla animalcunami tiyan. Chaicunaca yachaisapa runacunatapish, yalli yachaisapacunami.

PROVERBIOS 30:25

Hormigacunaca mana sinchicuna cashpapish, usyai punzhacunapimi micunata tandancuna.

PROVERBIOS 6:9

Quilla runalla, ¿ima horascamantac siricugringui? ¿Ima horastac riccharigringui?

ISAÍAS 1:3

Huagrapish paipac dueñota ricsinmi. Burropish dueñopac corralta ricsinmi. Ashtahuanpish israelcunaca mana ricsincunachu. Ñuca acllashcacunaca mana yuyaita japincunachu.

JEREMÍAS 8:7

Jahuata volac cigüeñapish ima quillapi shuctac ladoman rinata yachanmi. Urpipish, grulla animalpish, golondrinapish ima quilla shuctac llactaman rinata yachanmi. Ashtahuanpish ñuca acllashca cancunaca ñuca mandashcataca mana yachashpami causanguichic.

SAN MATEO 25:26

Shina nicpimi amoca: “¡Canca, mana valic, quilla servicmi cangui! Ñuca manapish tarpushpa cosechac, manapish cushpa chasquic cashcataca yacharcanguimi.

SAN MATEO 6:26

Volac animalcunata ricushpa yuyarichic. Chaicunaca mana tarpunchu, mana cosechanchu, grano huacaichinatapish mana huacaichinchu. Chashna cacpipish jahua pachapi tiyac cancunapac Diosca caranllami. Cancunacarin, ¡zhutacunatapish yallimari valinguichic!

ROMANOS 12:11

Tucui shunguhuan Apunchic Jesusta servichic, ama quilla caichicchu. Ashtahuanpish cusi caichic.

HEBREOS 6:12

Quillacuna cachun mana munanchicchu, ashtahuanpish alli crishpa, mana piñarishpa, Dios cusha nishcata japiccuna cachunmi munanchic.