PROVERBIOS 5:6 - Dios Rimashcata Quillcashcami

⁶ Paica causaiman rina ñanta rinataca mana munanchu. Paipac ñan maiman apacushcatapish mana yachanchu. Mana allita ruhuacushcatapish mana yuyarinchu.

PROVERBIOS 5:6 Iomraidhean Croise

SALMOS 119:59

Ñuca causacushcata yuyarishpami, can yachachishca shina causai callarircani.

SALMOS 16:11

Ñucamanca causaiman apac ñantami ricuchingui. Cambac ñaupapica yallita cushicuimi tiyan. Cambac alli ladopica huiñaitami cushicui tiyan.

PROVERBIOS 11:19

Cashcata ruhuac runaca causaitami charinga. Maijanpish mana allita ruhuacca huañungapacmi chashna ruhuacun.

PROVERBIOS 2:19

Maijanpish chai huarmihuan chayariccunaca mana cutingachu. Chai alli ñanpica ña mana chaquita churangachu.

PROVERBIOS 30:20

Huainayac huarmica micushpa, shimita picharishpaca: «Ima mana allita mana ruhuashcanichu» ninmi.

PROVERBIOS 4:26

Can saruna ñantapish ima shina cacta alli ricungui. Imata ruhuashpapish allita ruhuangui.

PROVERBIOS 5:21

Mandac Diosca runacunapac causaita ricucunmi. Tucui imata ruhuacucpipish yachanmi.

PROVERBIOS 9:13

Yuyai illac huarmica imatapish rimaric, mana yachac, pingaita mana charic huarmimi.

2 PEDRO 2:14

Maijan huarmita ricushpaca, huainayana yuyaillami cancuna. Juchallinataca manatac shaicuncunachu. Manarac sinchi criccunataca pandachincunami. Paicunaca tucuita atishpa imatapish charinallata munaccuna, shinallatac Dios mana ricunayachishca gentecunami can.