PROVERBIOS 5:2 - Dios Rimashcata Quillcashcami

² Chaica ñuca alli yuyaita cushcata cazungapac, cambac shimihuanpish allita rimangapacmi chashna uyana cangui.

PROVERBIOS 5:2 Iomraidhean Croise

SALMOS 119:13

Can mandashpa rimashcataca ñuca shimihuanmi callarishpa huillarcani.

SALMOS 45:2

Tucui caricunamanta yalli sumacmi cangui. Cambac shimimantaca uyanalla shimicunami llucshin. Diosmi huiñaita chashna cachun bendiciarca.

SALMOS 71:15

Can cashcata ruhuac cashcata, can quishpichic cashcataca tucui punzhami ñuca shimica huillacungalla. Maita mana yupaipac cacpipish huillacushallami.

PROVERBIOS 10:21

Cashcata ruhuac runapac shimica achcacunatami allita pushan. Ashtahuanpish mana yachaccunaca mana entendishpami huañuncuna.

PROVERBIOS 15:2

Yuyaisapacunapac rimashcaca alli yachaicunatami riman. Ashtahuanpish yuyai illac runaca manapish canatami rimarin.

PROVERBIOS 15:7

Yuyaisapa runacunapac rimashcaca alli yachaitami tarpun. Mana entendic runapac shunguca mana chashna ruhuanchu.

PROVERBIOS 16:23

Yuyaisapa runapac shunguca allita yuyarishpami riman. Sumacta ashtahuan rimashcaca ashtahuanmi yachachin.

PROVERBIOS 20:15

Curipish, sumac achic nicuc rumicunapish achcami tiyan. Shina cacpipish, alli yachaccunapac rimashcami chaicunamanta yalli valin.

PROVERBIOS 3:21

Ñuca huahualla, caicunataca yuyarangui. Mandashcatapish, cunashcacunatapish ama cungaringuichu.

CANTARES 4:11

Ñuca cuyashca huarmilla, cambac shimimantaca bunga mishquimi llucshicun. Cambac callupica bunga mishquipish, lechepish tiyanmi. Cambac churanaca Libanomanta mishqui shinami ashnacun.