PROVERBIOS 4:5 - Dios Rimashcata Quillcashcami

⁵ ¡Alli yachac caiyari! ¡Allita entendiyari! Ñuca rimashpa yachachishcacunataca ama cungaringuichu, ama saquinguichu.

PROVERBIOS 4:5 Iomraidhean Croise

2 CRÓNICAS 34:2

Paica ñaupa taita David shinallatacmi Mandac Diospac ñaupapica alli ladomanpish lluqui ladomanpish, mana ladoyashpa allita ruhuashpa causarca.

JOB 23:11

Ñuca chaquicunaca, pai sarushcatami catirca. Paipac ñanmanta mana anchurishpami paillatac catircani.

SALMOS 119:157

Ñucata llaquichiccunapish, piñaccunapish taucami. Shina cacpipish, can mandashcacunamantaca mana anchurircanichu.

SALMOS 119:51

Jatun tucushcacunaca yallitami burlashpa asircacuna. Shina cacpipish can mandashcamantaca manatac caruyarcanichu.

SALMOS 44:18

Ñuca shungupish canmantaca mana anchurishcachu. Cambac ñanmantapish mana anchurishpami causacunchic.

PROVERBIOS 16:16

Alli yachaitaca alli curitapish yallimi mashcana. Alli yuyaiyuc canaca cullquita yallimi alli.

PROVERBIOS 17:16

¿Mana entendic runa alli yachac cangapac achca cullquita cushpapish mana yuyaita charishpaca entendingachu?

PROVERBIOS 18:1

Pailla causanata munacca quiquin munaillatami ruhuanata mashcan. Alli yuyaita cucpipish, mana cazunchu.

PROVERBIOS 19:8

Maijanpish yuyaita japicca quiquin causaitami cuyan. Alli yuyaihuan causashpaca allitami japinga.

PROVERBIOS 23:23

Cashcata nishpa causanatapish, alli yachaitapish, alli yuyaita cushcatapish randic shina chasquishpaca, ama catunguichu.

PROVERBIOS 3:1

Ñuca huahualla, ñuca yachachishcacunata amatac cungaringuichu. Ñuca mandashcacunataca cambac shungupi huacaichingui.

PROVERBIOS 4:7

¡Tucuimanta yallica alli yachac canami ashtahuan alli! ¡Allita yachacuiyari! Tucui charishcacunamanta yallica allita entendinatami munana cangui.

PROVERBIOS 8:5

Yuyai illac runacuna alli yuyarishpa purinata yachacuichicyari. Mana entendic runacunapish, alli yuyarishpa purichicyari.

SANTIAGO 1:5

Cancunapuramanta maijanpish yachaita mana charishpaca, Diosta mañaichic, paica cungallami. Diosca pimanpish mana misarishpami, tucui mañaccunamanca achcata cunga.