PROVERBIOS 3:6 - Dios Rimashcata Quillcashcami

⁶ Imata ruhuashpapish Diosta yuyaringui. Paimi cantaca alli ñanta pushanga.

PROVERBIOS 3:6 Iomraidhean Croise

1 CRÓNICAS 28:9

Salomón ñuca huahualla, cambac taitapac Diostaca ricsiyari. Paitaca alli shunguhuan, tucui munaihuan servishpa causaiyari. Mandac Diosca tucuipac shungutami ricucun. Imata ruhuanata yuyaricushcatapish tucuitami yachan. Can paita mashcashpaca taringuimi, ashtahuanpish paita can cungaricpica, paipish cantaca huiñaita cungaringa.

ESDRAS 7:27

¡Ñucanchic taitacunata Mandac Diosca yallita alli nishca cachun! ¡Mandac Diosca paillatacmi paipac huasita alli nichun jatun mandacpac shungupi yuyaita cushca! ¡Paica Jerusalenpimi can!

NEHEMÍAS 1:11

Mandac Dioslla, cantaca yallitami mañani. Canta servic ñuca mañashcatapish, cambac shutita alli ninata munac canta serviccuna mañashcatapish cambac ringrihuan uyaiyari. Canta servic ñuca alli llucshichun, chai runapac ñaupapipish alli ricurichun ayudaiyari» nishpami mañarcani. Ñucaca jatun mandacman copa vinota servicmi carcani.

NEHEMÍAS 2:4

Shina nicpimi, jatun mandacca: —¿Imatatac ruhuachun ningui?— nirca. Shina nicpimi, jahua pachapi causac Diosta mañashpa,

NEHEMÍAS 7:5

Dios yuyaita cucpimi, alli nishcacunatapish, mandaccunatapish shuctac gentecunatapish paicunapac ñaupa taitacunapac shuticunata ima shina, quillcashca shinallatac quillcachichun tandachircani. Chashnami puntapi cutimushca taitacunapac shuticunata quillcashcata tarircani. Chai quillcashcapica:

SALMOS 32:8

Canmi: «Allita entendichishpa yachachishpa can purina ñanta ricuchisha. Ñuca ñahuihuanmi cantaca ricurasha.

PROVERBIOS 11:5

Allita ruhuac runataca cashcata ruhuashcami alli ñanta pushanga.

PROVERBIOS 16:3

Can imata ruhuanacunataca Mandac Diospac maquipi churai. Chaipimi can imata ruhuagricushcacunaca alli llucshinga.

PROVERBIOS 16:9

Imata ruhuanataca gentecunami shungupi yuyarin. Shina cacpipish Mandac Diosmi paicuna ruhuana cashcataca pushan.

PROVERBIOS 23:17

Ama cambac shungupi juchayuccuna shina causanata munaichu. Chaipac randica punzhanta Mandac Diosllata manchashpa causangui.

ISAÍAS 26:7

Cashcata ruhuacpac causaica jucha illacmi. Canca cashcata ruhuac Dios cashpami, cashcata ruhuaccunapac causaita ricucungui.

ISAÍAS 30:21

Chaimantami huashamanta cancunapac ringripica: «¡Caitami ñanca, caita purichic! Caimantaca alli ladomanpish, lluqui ladomanpish ama ladoyanguichicchu» nishcami uyaringa.

ISAÍAS 45:13

Ñucami mandac Cirotaca cashcata ruhuanata yachachishpa, alli ñanta pusharcani. Paimi ñuca llactataca cutin shayachishpa, ñuca acllashcacunata prezumanta cacharichimunga. Paica ima cullquita, ima caranata mana japishpami chashna ruhuanga» ninmi. Chaitaca tucuita Mandac Diosmi nini.

ISAÍAS 48:17

Cancunata quishpichic, israelcunapac jucha illac, Mandac Diosca: «Ñucami cancunata Mandac Dios cani. Ñucami cancunapac allipac yachachini. Cancuna maita rina ñantapish ñucami ricuchishpa pushani.

JEREMÍAS 10:23

Mandac Dioslla, causaica mana runapacchu. Pipish quiquin causaitaca mana mandai pudinchu. Chaitaca yachanimi.

JEREMÍAS 42:3

Canta Mandac Dios maijan ñanta catinatapish, imata ruhuanatapish ñucanchicman yachachichun mañaiyari— nirca.

NÚMEROS 9:20

Maijan cutinca asha punzhallatami Dios-huan tupana huasi jahuapica puyuca caclla carca. Chai puyu ña anchuricpica, Mandac Dios mandashcata cazushpami israelcunaca chai puyuta catishpa ric carca. Puyu maipi shayaricpica, chaipimi paicunapac carpa huasicunata shayachishpa tiyaric carca.

1 CORINTIOS 10:31

Chaimanta imata micushpapish, imata ubiashpapish, imata ruhuashpapish, Dios alli nishca cachun ruhuaichic.

2 CORINTIOS 8:16

Cancunata ñuca llaquic cashca shinallatac, Titoman cancunata llaquina yuyaita Dios cushcamantami, paitaca pagui nicuni.

FILIPENSES 4:6

Ama imamanta llaquiricuichicchu. Ashtahuanpish Diosta mañacushpaca, tucuita paiman huillashpa, imamantapish pagui nicuichiclla.

COLOSENSES 3:17

Imata ruhuashpapish, imata parlashpapish, Apunchic Jesuspac shutipimi ruhuana canguichic. Paimantami Diostaca pagui nina canguichic.

COLOSENSES 3:23

Imata ruhuana cacpipish, ama gentecunapacta ruhuacushcata yuyaichicchu, ashtahuanpish Cristopacta ruhuacushcata yuyashpa, tucui shunguhuan ruhuaichic.

SANTIAGO 1:5

Cancunapuramanta maijanpish yachaita mana charishpaca, Diosta mañaichic, paica cungallami. Diosca pimanpish mana misarishpami, tucui mañaccunamanca achcata cunga.

1 SAMUEL 30:8

Shina apamucpimi, Davidca Mandac Diosta tapushpaca: —¿Chai shuhuac runacunataca macangapac catishachu? ¿Catishpaca japi pudishachu?— nirca. Shina tapucpimi Mandac Diosca: —Catilla, japigringuimi. Prezu apashcacunatapish quichumunguimi— nirca.