PROVERBIOS 3:3 - Dios Rimashcata Quillcashcami

³ Cashcata nina, shinallatac llaquic canaca, jaicapi ama anchurichun. Cungapi churarishca shina, shungupi quillcashca shina, chai yuyailla puringui.

PROVERBIOS 3:3 Iomraidhean Croise

2 SAMUEL 15:20

Canca cainallami shamurcangui. ¿Ima shinatac cantaca ñucahuan jacu nishayari? Ñucapish maiman ricushcata mana yachanichu, ashtahuanpish cutishpa rilla. Cambac ricsishcacunatapish pushashpa ri. Mandac Dios canta maiman ricpipish pushachun— nirca.

SALMOS 119:11

Juchallishpa canta mana llaquichingapacca ñuca shungupimi, can rimashcacunata huacaichircani.

SALMOS 25:10

Pai ari nishcata, pai mandashcacunata cazuccunamanca cuyashpa, llaquishpami ima allitapish ruhuan.

SALMOS 85:10

Cuyaihuan, cashcata ninahuanmi tupanacurca. Cashcata ruhuanahuan, cushi causaihuan muchanacurca.

ÉXODO 13:9

Mandac Diosca paipac poderhuanmi Egiptomanta llucchirca. Chaimantami Mandac Diospac mandashcacunata punzhanta rimachunca maquipi, ñahuipi señal canga.

ÉXODO 34:6

Mandac Dios Moisespac ñaupata pasashpaca: —Mandac Diosmi cani. Mandac Diosmi cani. Ñucaca yallita llaquic, cuyac, mana utca piñaric, shinallatac cashcata ruhuacmi cani.

PROVERBIOS 1:9

Chai yuyaicunaca sumac coronata cambac umapi churarishca shina, sumac huallcata cungapi churarishca shinami canga.

PROVERBIOS 14:22

Mana allita yuyariccunaca ¿manachu pandarincuna? Allita yuyariccunaca cuyaccunami, cashcata niccunami.

PROVERBIOS 16:6

Juchayuctaca llaquishpa, mana llullashpami perdonanga. Runaca Mandac Diosta manchashpami, mana allimantaca anchurin.

PROVERBIOS 20:28

Jatun mandacca llaquic cashcamanta, cashcata nic cashcamantami cuidashca causan. Cuyac cashpami pai mandashpa tiyarinataca mana chingachin.

PROVERBIOS 6:21

Chaicunataca cambac shungupi huacaichishpa puringui. Cungapi huallcata churarishca shina puringui.

PROVERBIOS 7:3

Chai yachachishcataca maqui dedopi huatashca shina, tablapi quillcashca shina shungupi charingui.

JEREMÍAS 17:1

Judá llactapi causaccunapac juchacunaca cincel fierrohuanmi quillcashca. Shinallatac diamante rumi puntahuanmi tablapi quillcashca shina, cancunapac shungupipish, cancunapac altar gachucunapipish quillcashca tiyacun.

OSEAS 4:1

Israelcunalla, Mandac Dios rimashcata uyaichic. Paica cai llactapi causaccunahuan piñarishcami. Cai llactapica cashcata nicpish, Diosta manchacpish, paimanta yachanata munacpish mana tiyanchu.

MALAQUÍAS 2:6

Levitacunaca cashcata nic mandashcacunatami yachachirca. Paicunaca ima mana allita mana rimarcachu. Cashcata ruhuashpami ñucahuan cushilla causarca. Chashnami tauca mana allita ruhuashpa causac runacunata mana allimanta anchuchirca.

SAN MATEO 23:23

¡Mishqui shimi, jayac shungu fariseocunalla, mandashcacunata yachachiccunalla, imachari tucunguichic! Cancunaca mentatapish, anistapish, cominotapish patsacmanta chungatami cunguichic. Chashna cashpapish Dios mandashcacunatapish, cashcata ruhuanatapish, llaquic canatapish, Diosta crinatapish cungaringuichicmi. Caicunatami ashtahuan ruhuana canguichic. Ofrendata cunatapish mana saquinachu canguichic.

2 CORINTIOS 3:3

Cancunataca Cristollatac quillcashca gentecuna ricuna quillca shina cashcatami ricunchic. Chaitaca ñucanchicllatacmi cancunamanca curcanchic. Chai quillcaca mana tintahuan quillcashcachu, ashtahuanpish causac Diospac Espirituhuan quillcashcami. Chai quillcaca mana rumipi quillcashcachu, ashtahuanpish cancunapac shungupimi quillcashca can.

EFESIOS 5:9

Achic luzca alli shungu canata, imapish cashcata ruhuanata, shinallatac mana llullac cana yuyaitami cun.

DEUTERONOMIO 6:8

Yuyarinalla cachunca, maquipipish, frentepipish huatashpa puringui.

HEBREOS 10:16

«Mandac Diosca: “Shamuc punzhacunapica, paicunahuan ari nishpami, ñuca mandashcacunata paicunapac shungupi churasha. Paicunapac yuyaipimi, quillcashca shinami churasha” ninmi.