PROVERBIOS 3:18 - Dios Rimashcata Quillcashcami

¹⁸ Paita ucllarishpa causaccunamanca causaita cuc yura shinami can. Cai alli yachaita chariccunaca yallitami cushicun.

PROVERBIOS 3:18 Iomraidhean Croise

GÉNESIS 2:9

Mandac Diosca chai huertapica tucuilaya sumac micunalla granocunata pucuc yuracunatami huiñachirca. Shinallatac huerta chaupipica causaita cuc yuratapish, alli cashcata, mana alli cashcata yachachic yuratapish huiñachircami.

GÉNESIS 3:22

Shinallatac Mandac Diosca: «Runaca ñucanchic shinallatacmi allitapish, mana allitapish yachac tucushca. Cunanca, maquita chutashpa chai huiñai causaita cuc yuramantaca mana micunachu can. Chaita micushpaca, huiñaitami causanga» nirca.

PROVERBIOS 11:30

Cashcata ruhuac runaca causaita cuc yura shinami. Alma quishpirichun huillac runaca yachaisapami.

PROVERBIOS 13:12

Ima shuyacushca mana utca pactashpaca shungutami llaquichin. Ashtahuanpish shuyacushca utca pactashpaca causaita cuc yura shinami can.

PROVERBIOS 15:4

Sumacta rimac calluca causaita cuc yura shinami. Ashtahuanpish millaita rimacca shunguta paquinmi.

PROVERBIOS 4:13

Alli yachaitaca chasquingui ama saquinguichu, chai yachaitaca alli huacaichingui. Chaimi cambac causaica.

PROVERBIOS 8:32

Cunanca huahuacuna uyaichic: Ñuca yachachishcacunata cazuccunaca cushicunmi.

PROVERBIOS 8:34

Ñuca yachachishcata uyangapac, ñuca huasi pungupi punzhanta shuyacuc runaca yallita cushicuchun. Paica ñuca huasi pungu pilar ladopimi shuyacun.

ECLESIASTÉS 7:12

Alli yachaipish, cullquipish escudo shinami jarcan. Shina cacpipish alli yachaimi yachaccunamanca causaita cun.

APOCALIPSIS 2:7

Maijanpish ringrita charicca, Diospac Espíritu tandanacushca criccunaman ima nicushcata uyachun. Maijanpish millaita mishacmanca Diospac llactapi cac causaita cuc yuramantami carasha” ninmi.

APOCALIPSIS 22:2

Chai pueblopi tiyac jatun ñan chaupita callpacuc yacu ishcai ladopimi, causaita cuc yuraca carca. Chai yuraca quillanta pucushpami, huatapica chunga ishcai cutin pucun. Shinallatac pangacunapish gentecunata jambingapac allimi can.