PROVERBIOS 27:11 - Dios Rimashcata Quillcashcami

¹¹ Ñuca huahualla, yachaisapa tucushpa ñuca shunguta cushichiyari. Shina cacpimi ñucata piñaccunamanca rimashpa cutichi pudisha.

PROVERBIOS 27:11 Iomraidhean Croise

SALMOS 119:42

Chashna ruhuacpimi, ñucata piñaccunamanca cambac rimashcapi shunguta churashpa causashcata huillasha.

SALMOS 2:10

Jatun mandaccunalla, cunanca allita yuyarishpa causaichic. Llactacunata mandaccunapish ñuca cunashcata chasquichicyari.

PROVERBIOS 10:1

Cai yuyaita cuc rimaicunaca Salomón quillcashcami. Yuyaisapa churica taitata cushichinmi. Ashtahuanpish mana entendic churica mamata llaquichinmi.

PROVERBIOS 15:20

Yachaisapa churica paipac taitata cushichinmi. Ashtahuanpish yuyai illac runaca paipac mamatami yangapi churan.

PROVERBIOS 26:16

Quilla runaca paipac shungupica alli yuyaita cuc canchis runacunatapish, yalli ashtahuan yachacmi cani yuyanmi.

PROVERBIOS 27:12

Yuyaisapa runaca maita ricushpa ima llaqui japigricucpica anchurinmi. Ashtahuanpish yuyai illac runaca rishpa llaquipi urmanllami.

PROVERBIOS 29:3

Alli yachacunata munac runaca paipac taitata cushichinmi. Ashtahuanpish cullquimanta huainayac huarmihuan puricca tucui charishcatami yanga tucuchin.

FILEMÓN 1:7

Cuyashca huauqui, cambac cuyaihuanmi Diospaclla cac tucui criccunataca cushichishcangui. Chaimantami ñucapish cushicushpa, Diospacta ruhuana yuyailla cani.

2 JUAN 1:4

Dios ñucanchicta mandashca shina, cancunapurapi maijancuna cashcata nic huillashcata crishpa causacushcata yachashpami, yallita cushicuni.