PROVERBIOS 26:23 - Dios Rimashcata Quillcashcami

²³ Mana alli shunguhuan crinallata llullashpa parlashcaca cullquita yacuyachishpa mapata llucchishpa, barro mangapi saquishca shinami.

PROVERBIOS 26:23 Iomraidhean Croise

PROVERBIOS 10:18

Piñarishca cashpapish mana piñarishca shina shungullapi charicuc runaca llullami. Pitapish yanga juchanchishpa rimac runaca mana entendic runami.

PROVERBIOS 23:7

Paica, paipac shungupi ima shina yuyaricushca shinallatac cashpami: «Micuilla, ubiailla» ninga. Shina cashpapish mana tucui shunguhuanchu chashnaca nicun.

PROVERBIOS 25:4

Cullquita yacuyachishpa mapata anchuchingui. Chashna anchuchicpimi, cullquita yacuyachic runamanca sumac imallacuna llucshinga.

PROVERBIOS 26:25

Canhuan apanacuc tucushpa rimacpica, ama cringuichu. Chaica, paipac shungupica canchis jatun millanayai yuyaicuna jundami.

PROVERBIOS 27:6

Cuyac runa rimashpa chugrichishcami ashtahuan alli. Ashtahuanpish piñashpa muchashcaca mana allichu.

EZEQUIEL 33:31

Paicunapish ñuca acllashca gentecuna shinami, can rimashcata uyangapac cambac ñaupaman shamun. Shina cashpapish mana pactachincunachu. Chai gentecunaca shimillahuanmi alli nincuna, ashtahuanpish shungupica chayucyana manaihuanmi purin.

SAN MATEO 23:27

¡Mishqui shimi, jayac shungu fariseocunalla, mandashcacunata yachachiccunalla, imachari tucunguichic! Cancunaca huañushcata enterrashca jutcu shinami, jahuataca sumaimana allichishca, ucutaca huañushca tullucuna, mapacuna junda canguichic.

SAN LUCAS 11:39

Chaimantami Apunchic Jesusca: —Cancuna fariseocunaca vasotapish, platotapish jahuallatami jahuanguichic, ashtahuanpish shungupica shuhuana yuyai, imapish mana allita ruhuana yuyaicunallami canguichic.