PROVERBIOS 26:2 - Dios Rimashcata Quillcashcami

² Zhutacuna atishpa ric shina, golondrina volac shinami, maldiciashcaca mana yanga shamun.

PROVERBIOS 26:2 Iomraidhean Croise

2 SAMUEL 16:12

Mandac Diosca ñuca llaquihuan cacta ricushpaca llaquingapishchari. Shina llaquishpa, cunan cai runacuna maldiciashcamantaca, ashtahuanpish ñucamanca allicunatami cunga— nirca.

2 SAMUEL 16:8

Can Saulpac randi mandangapac paipac huasi ucupuracunata tucui huañuchishcamantami Mandac Diosca canta llaquichicun. Can mandanataca cambac churi Absalonmanmi cushca. Canca huañuchic cashpami llaquita apacungui» nirca.

NEHEMÍAS 13:2

Paicunaca israelcunataca mana tandahuan, yacuhuan tupangapac shamurcacunachu, ashtahuanpish israelcunata maldiciachunmi Balaamman cullquita curcacuna. Shina ruhuacpipish, ñucanchic Diosca chai maldiciashcataca bendiciontami ruhuarca.

SALMOS 109:28

Paicuna maldiciacpipish, canca bendiciaiyari. Paicuna ñucata llaquichingapac jataricpipish pingaichishca cachun. Shina cacpipish, canta servicca cushilla cachun.

PROVERBIOS 27:8

Quiquin huasita saquishpa caruyac runaca shuc urpi cuzhata shitashpa ric shinami.

ISAÍAS 16:2

Moab llactapi causaccunaca volac animal mancharishpa, cuzhata shitashpa ric shinami, Arnón ashalla yacu ladopica canga.

NÚMEROS 23:8

Shina cacpipish, Dios mana maldiciacpica, ¿ima shinatac maldiciashayari? Mandac Dios mana llaquichicpica, ¿ima shinatac llaquichishayari?

1 SAMUEL 17:43

Chai filisteoca Davidtaca: —Caspicunahuan ñucata macangapac shamuchunca, ¿ñucaca allcuchu cani imatacyari?— nishpami tapurca. Paipac dioscunapac shutipimi Davidtaca maldiciarca.