PROVERBIOS 26:11 - Dios Rimashcata Quillcashcami

¹¹ Allcu arcadashcata cutin micuc shinami, yuyai illac runaca paipac shungupi yuyarishcata cutinllatac ruhuan.

PROVERBIOS 26:11 Iomraidhean Croise

ÉXODO 8:15

Ña llaquicuna mana tiyacpica, cutinllatacmi Faraonca sinchi shungu tucurca. Chaimantami Moisestapish, Aarontapish Mandac Dios nishca shina, mana cazurca.

PROVERBIOS 23:35

Canca: «Macashcacunami. Shina cacpipish, mana nananchu. Chugrichishcacunami. Shina cacpipish, mana yuyarinichu. Riccharishpaca ubiagrishallatacmi» ninguimi.

PROVERBIOS 26:10

Yuyai illac yanga puric runacunata cullquimanta trabajachic runaca, flechata cacharishpa tucui mashnata chugrichic shinami.

PROVERBIOS 27:22

Yuyai illac runaca cutana rumipi trigota cutac shina, cutin cutin tigrachishpa tacacpipish manatac entendingachu.

ISAÍAS 28:8

Tucui mizacunapimi arcadashpa mapayachishca. Imapish chuyaca mana tiyanchu.

SAN MATEO 12:45

Chaimantami paita yalli ashtahuan millai caishuc canchis supaicunata pushashpa, chai runapica causangapac shamun. Chaimantami chai runaca ñaupa causacushcatapish yalli ashtahuan millai tucun. Shinallatacmi cunan punzhapi causac millai gentecunapish tucunga— nirca.

2 PEDRO 2:22

Ashtahuanpish paicuna chashna tucucpica: «Allcupish pai ungushcallatatacmi cutin tigrachishpa micun. Cuchipish armarishca quipaca, cutinmi turupi singun» nishcaca pactashca.