PROVERBIOS 25:3 - Dios Rimashcata Quillcashcami

³ Jahua pacha maicaman cactapish, cai pacha maicaman ucu cactapish, jatun mandaccunapac shungu imata yuyacushcatapish pi mana yachai pudinchu.

PROVERBIOS 25:3 Iomraidhean Croise

1 REYES 4:29

Diosca alli yuyaita, alli entendishpa causanata shungupi yuyarinatami Salomonmanca mama cucha yacu patapi tiyac tio shina yallita jatun yuyaita curca.

SALMOS 103:11

Cai pachamantaca jahua pachaca ashtahuanmi jahuaman. Chai shina jatun cuyaitami charin. Paita manchaccunataca yallitami cuyan.

PROVERBIOS 25:2

Imata pacalla charinaca Diospac sumaimanami. Sumacta callarishpa ricunaca jatun mandacpac allimi.

PROVERBIOS 25:4

Cullquita yacuyachishpa mapata anchuchingui. Chashna anchuchicpimi, cullquita yacuyachic runamanca sumac imallacuna llucshinga.

ISAÍAS 55:9

Ima shinami jahua pachaca cai pachamanta jahuaman tiyacun, chashnallatacmi ñuca imata ruhuashcapish yalli can. Shinallatac ñuca yuyaipish cancunapac yuyaicunataca yallimi.

ISAÍAS 7:11

—Mandac Dios allpa ucupi, mana cashpaca, jahua pachapi shuc señalta canman ricuchichun mañai— nirca.

ROMANOS 8:39

Shinallatac jahua pachapish, ucu pachapish, tucui ima tiyaccunapish Apunchic Jesucristomanta ñucanchicta Dios cuyashcamantaca mana anchuchingachu. Chaitaca allimi yachani.

1 PEDRO 1:7

Curi alli cactaca ninapi rupachishpami ricun. Chai shinallatac cancuna alli crishcata ricungapacca, llaquicunaca japinami can. Shina llaquita apana cacpipish, mana chingaric crishcaca chingariclla curitapish ashtahuan yallimi can. Chai shina llaquichishca cashpapish crinata mana saquishpaca, Jesucristo ricuricpica, sumacyachishca, “allimi cangui” nishcami canguichic.