PROVERBIOS 24:12 - Dios Rimashcata Quillcashcami

¹² Can: «Chaitaca manatac yachashcanichu» nicucpipish, ¿tucuipac shunguta pezashpa ricuc Diosca manachu yachanga? Cambac causaita ricuc Diosmi chaitaca yachan. Runacunamanca paicuna imata ruhuashca shinallatacmi cunga.

PROVERBIOS 24:12 Iomraidhean Croise

JOB 34:11

Paimi runamanca pai imata ruhuashca shina cuna cashcata cunga. Runa ima shina causashca shinami cunga.

SALMOS 121:3

Cambac chaqui lluchcarichunca mana saquingachu. Canta cuidacca mana sueñungachu.

SALMOS 121:8

Can yaicucpipish, llucshicpipish Mandac Diosmi cuidanga. Cunanmanta huiñaicamanmi cuidanga.

SALMOS 17:3

Canca ñuca shungutaca tucuitami ricushcangui. Tutapish ricungapac shamushcanguimi. Ñuca alli cacta, mana alli cacta taripashpapish, ima mana allitaca mana tarishcanguichu. Ñuca shimihuan cambac contra mana rimangapacmi yuyarircani.

SALMOS 44:21

ñucanchic shungu yuyashcatapish yachac Diosca ¿manachu llaquichinman carca?

SALMOS 62:12

llaquicpish, canta Mandac Diospish cani. Ñucami tucuiman imata ruhuashca shinallatac japina cashcata cusha» nirca.

SALMOS 66:9

Paimi ñucanchic causaita cuidashpa, chaquicuna lluchcarichunpish mana saquirca.

SALMOS 7:9

Cashcata ruhuac Diosmi cangui. Gentecunapac shungutapish, yuyaitapish tucuitami yachangui. Millaita ruhuaccunataca chingachiyari. Ashtahuanpish cashcata ruhuactaca pi mana cuyuchipacta chariyari.

SALMOS 94:9

Ringrita ruhuac Diosca, ¿manachu uyanga? Ñahuita ruhuac Diosca, ¿manachu ricunga?

PROVERBIOS 12:14

Runaca pai rimashca shinallatacmi imata cashpapish mana nicta japinga. Paipac maquihuan imata ruhuashca shinallatacmi pai japinataca chasquinga.

PROVERBIOS 16:2

Runapac yuyaipica pai tucui ruhuashcacunami alli ricurin. Ashtahuanpish Mandac Diosmi chai yuyaitaca pezac shina ricucun.

PROVERBIOS 21:2

Runapac yuyaipica tucui pai ruhuashcacunami alli ricurin. Ashtahuanpish Mandac Diosmi shungutaca pezac shina ricucun.

PROVERBIOS 5:21

Mandac Diosca runacunapac causaita ricucunmi. Tucui imata ruhuacucpipish yachanmi.

PROVERBIOS 5:22

Diosta mana manchactaca pai mana allita ruhuashcacunallatacmi llaquichinga. Pai ruhuashca juchallatacmi tuclla shina japishpa urmachinga.

ECLESIASTÉS 5:8

Maijan llactapi huacchacunata llaquichicucta, paicunaman cuna cashcata mana cushpa, mana allita ruhuacucta ricushpaca, ama mancharinguichu. Shuc mandactaca paita yalli mandacmi ricucun. Shinallatac chai mandacta ashtahuan yalli jatun mandacpish tiyanmi.

JEREMÍAS 17:10

¡Mandac Dios ñucami tucui shunguta ricushpa, imata yuyacushcatapish yachani! ¡Paicuna ima shina causashca shinallatac, imata ruhuashca shinallatac cungapacmi chashnaca yachani!» ninmi.

JEREMÍAS 32:19

Can ruhuashcacunaca yalli jatunmi, shinallatac sumaimanami. Cada shuc aichayuc runacunaman paicuna imata ruhuashca shinallatac cungapacmi, tucui paicuna ima shina causacucta ricucungui.

LAMENTACIONES 3:36

manapish juchallishca runata llaquichichunpish mana munanchu.

DANIEL 5:23

Ashtahuanpish jahua pacha Diosta llaquichishpami, paipaclla huasimanta vasocunata apachun cacharcangui. Chai vasocunapimi canpish, can churashca mandaccunapish, cambac huarmicunapish, cambac caishuc huarmicunapish vinota ubiarcanguichic. Shinallatac curimanta, cullquimanta, broncemanta, fierromanta, rumimanta ruhuashca mana uyac, mana ricuc, mana entendic dioscunatami alabarcangui. Ashtahuanpish cambac causaita paipac maquipi charicuc Diostaca mana alli nircanguichu. Tucui cambac causaitaca paimi ricucun.

SAN MATEO 16:27

Ashtahuanpish Runa Tucungapac shamushca ñucaca, ñuca Taitapac sumaimana achic nicuc-huan, paipac angelcunahuan cutimushpaca, tucuimanmi imata ruhuashca shina cusha.

HECHOS 17:28

Paimantami causanchic, puricunchic, imatapish ruhuacunchic. Chashnallatacmi cancunapuramanta maijan yachaccunaca: “Ñucanchicpish Diospac huahuacunami canchic” nishca.

ROMANOS 2:16

Alli huillaita ñuca huillashca shinami, ima pacalla ruhuashcatapish Diosca Jesucristohuan taripai punzhapi taripanga.

ROMANOS 2:6

imata ruhuashcata ricushpa, tucuiman cunga.

1 CORINTIOS 4:5

Shina cacpica manarac juchanchina punzha chayamucpi, ama juchanchichicchu. Apunchic Jesús cutimunata shuyaichic. Paimi amsapi pacashcacunatapish, shungu imata yuyashcatapish achicpi shina ricuchinga. Shina ruhuacpimi, Diosca cada quiquin imata ruhuashcata ricushpa alli ninga.

2 CORINTIOS 5:10

Imalla ruhuashcata ñucanchic ricuchingapacca, tucuita taripac Cristopac ñaupapimi tucui mashna ricurigrina canchic. Chaipica cai aicha causaipi allita ruhuashcamanta, mana allita ruhuashcamantami japina cashcata japigrishun.

APOCALIPSIS 1:18

Ñucaca causacunimi. Huañushcami carcani, cunanca huiñaipacmi causacuni. Ñucami huañuipacpish, ucu pachapacpish llavecunata charicuni.

APOCALIPSIS 2:18

Tiatira pueblopi cac tandanacushca criccunata ricuc angelman quillcai: “Ñahui murucunapish nina jagan nicuc shina, shinallatac chaquicunapish bronce rupashca jagan nicuc shinata charic Diospac Churica:

APOCALIPSIS 2:23

Paipac huahuacunatapish huañuchishami. Chashna ruhuacpimi tucui tandanacushca criccunaca paicunapac yuyaitapish, shungutapish ñuca yachac cashcata yachac chayangacuna. Tucuimanmi imata ruhuacushca, shinallatac japina cashcata cusha.

APOCALIPSIS 22:12

Shinallatac Jesusca: —¡Riquichic, ñucaca ñallami shamusha! Imata ruhuashca shina japina cashcata tucuiman cungapacmi apashpa shamusha.

1 SAMUEL 16:7

Shina yuyacucpipish, Mandac Diosca Samueltaca: —Ama pai sumac cashcallata, jatun cashcallata ricuichu. Paitaca mana acllarcanichu. Ñucaca gentecuna shinaca mana ricunichu. Paicunaca jahuallatami ricun, ashtahuanpish Ñucaca shungutami ricuni— nirca.

1 SAMUEL 2:3

Ama sinchi rimaicunata rimaichicchu. Mandac Diosca tucuita yachac Diosmi. Ama cancunallatac alli cashcataca yuyaichicchu. Paimi ima ruhuashcatapish, pezac shina ricucun.

1 SAMUEL 2:6

Mandac Diosmi huañuitapish causaitapish cun. Paimi Seolmanpish cachan, paillatacmi chaimantapish llucchin.

1 SAMUEL 25:29

Canta huañuchingapac maijan caticpipish, ñucata mandacpac causaitaca canta Mandac Diospac maquipimi alli causaccunahuan tandachishca. Ashtahuanpish canta piñaccunataca Paillatacmi rumi huaicuta shitac shina tucuchinga.