PROVERBIOS 23:3 - Dios Rimashcata Quillcashcami

³ Chai mandacpac sumac micunataca ama yallita munanguichu. Chaicunaca pandachiclla micunami.

PROVERBIOS 23:3 Iomraidhean Croise

SALMOS 141:4

Ñuca shungu mana allicunata yuyarichun ama saquichu. Millaita ruhuaccunahuan tandarishpa millaita ruhuachunpish ama saquichu. Paicunapac jatun mizapi cushicuchunpish ama saquichu.

PROVERBIOS 23:6

Ama misa runahuan micungapac tiyaringuichu. Chai sumaimana micunata ama munanguichu.

DANIEL 1:5

Jatun mandacca punzhantami paipac micunata, pai ubiana vinota paicunaman carachun cacharca. Shinallatac quimsa huatata yachacushpa paita servichunmi mandarca.

DANIEL 1:8

Danielca jatun mandacpac micunatapish, pai ubiana vinotapish micushpa, ubiashpa mapayanatami paipac shungupi mancharca. Chaimantami mandana huasipi serviccunata mandactaca: “Caita micushpaca mapayashunmi, cai micunata micuchun ama mandaichu” nirca.

SAN LUCAS 21:34

Cancunallatac alli yuyarichic. Pacta machanallapi, micunallapi, cai pachapi imatapish charinallapi yuyashpa causacunguichicman. Pacta cancuna mana yuyashca horas chai punzhaca chayamunman.

EFESIOS 4:22

Chaimantami cancunaca ñaupa ima shina causacushcataca saquina canguichic. Chai yuyaicunaca cancunata pandachishpa, mana allillata ruhuachishpami, ismuchic shina tucuchicurca.