PROVERBIOS 23:21 - Dios Rimashcata Quillcashcami

²¹ Chaica, machac runapish, yallita micuc runapish huacchami tucunga. Sueñushpalla causashpami lliqui churanata churaringa.

PROVERBIOS 23:21 Iomraidhean Croise

PROVERBIOS 18:9

Quilla runaca imatapish tucuchic runahuanca quiquin huauquindi shinami.

PROVERBIOS 19:15

Quillanayaimi runataca yallita sueñuchin. Quilla runaca yarcaihuanmi causanga.

PROVERBIOS 21:17

Mana allicunata ruhuashpa cushicuc runaca huacchayangami. Vinotapish, mishquilla ashnacuctapish munac runaca mana charicyangachu.

ECLESIASTÉS 10:18

Quilla runa cacpimi, huasi tejacunaca urman. Maqui cruzashca cacpimi, huasipipish shutun.

JOEL 1:5

¡Machaccuna riccharishpa huacaichicyari! ¡Tucui vinota ubiaccuna llullu vinomanta caparishpa huacaichicyari! ¡Vinotaca cancunapac shimimantami quichushca!

SAN MATEO 11:19

Runa Tucungapac shamushca ñuca imatapish micuc, vinotapish ubiacpica: “Cai runaca yalli micucmi, vinotapish ubiacmi, impuestota japiccunahuanpish, caishuc juchayuccunahuanpish tandaricmi” ninguichicmi. Cancuna chashna nicucpipish, Dios yachac cashcataca paita cazuccunami ricuchicun» nirca.

1 CORINTIOS 5:11

Ashtahuanpish chashna nishpaca, cric cashca jahua huaclliriccunahuan, imatapish charinallata munaccunahuan, imapish tucushca canman niccunahuan, ruhuashcalla dioscunata adoraccunahuan, llullaccunahuan, machaccunahuan, shuhuaccunahuan amatac tandaringuichicchu nisha nircanimi. Chashna gentecunahuanca micungapacllapish ama tiyaringuichicchu ninimi.

1 CORINTIOS 6:10

shuhuaccunapish, charinallata munaccunapish, machaccunapish, llaqui tucuchun niccunapish, crichishpa shuhuaccunapish, Dios mandacucpica mana yaicungacunachu.

GÁLATAS 5:21

shuccuna ama charichun nishpa munaccunami, huañuchiccunami machaccunami, yalli micunallata munaccunami, shinallatac shuctac chashnalaya mana allita ruhuaccunami. Cancunataca utcaman nishca shinallatacmi: “Chashna ruhuaccunaca Dios mandacucpica imata mana charingachu” nishpa, cutinllatac nini.

DEUTERONOMIO 21:20

Chashna apashpami, chai llactata pushac yuyaccunamanca: “Cai ñucanchic churica mana cazuc, sinchi shungumi. Ñucanchic nishcatapish mana cazushpami, paipac munashcata ruhuashcata ruhuashpa, machashpa purin” nishpa huillanga.

FILIPENSES 3:19

Chashna causaccunaca llaquipimi chingaringacuna. Diosta cuyanapac randica huicsatami yallita cuyancuna. Paicunapac sumac cashcaca pingaimi can. Shinallatac cai pacha causaipacllami ashtahuan munancuna.