PROVERBIOS 22:8 - Dios Rimashcata Quillcashcami

⁸ Tarpuc shina mana allita ruhuacca mana allitatacmi tandanga. Paitaca varahuanmi tucuchinga.

PROVERBIOS 22:8 Iomraidhean Croise

JOB 4:8

Mana allita tarpuccunaca mana allillatatac cosechactami ricushcani.

SALMOS 125:3

Millaita ruhuaccunaca cashcata ruhuaccunapac llactapica mana unaita mandangachu. Chashna unaita mandacpica cashcata ruhuaccunami paicunapac maquihuan mana allita ruhuangacuna.

PROVERBIOS 1:31

Paicuna millaita ruhuashpa causashcataca tarpushpa cosechac shinami japingacuna. Chashnami huicsa pactata micungacuna.

PROVERBIOS 14:3

Yuyai illac runapac shimimantaca jatun tucuna yuyaimi varahuan lomopi llaquichic shina llucshin. Ashtahuanpish yachaisapa runataca paipac rimashcami cuidan.

ISAÍAS 10:25

Ashtahuanpish asha punzha quipaca ñuca yallita piñarishcataca pasachishami. Chai quipaca nina japiric shina piñarishpami paicunata tucuchisha» nirca.

ISAÍAS 10:5

Mandac Diosca: «¡Asiria llactata jatun mandaclla, ñuca yallita piñarishpa macana varami cangui! Ñuca yallita piñarishpa macana caspica cambac maquipimi.

ISAÍAS 14:29

«Tucui Filistea llactapi causaccuna llaquichic varata paquishcamantaca ama cushicuichicchu. Culebrapac huahua huahuacunamantaca shuc millai culebrami llucshinga. Chai culebramantaca volac culebrami llucshinga.

ISAÍAS 30:31

Mandac Dios rimashcata uyashpa, llaquihuan cashpami, Asiria llacta runacunaca yallita mancharinga.

ISAÍAS 9:4

Canmi paicunapac llashac yugota paquircangui. Hombrospi cac caspitapish, paicunata llaquichina varatapish paquircanguimi. Madián llactata tucuchic shinami tucuchircangui.

OSEAS 10:13

Cancuna tarpuc shina mana allita ruhuashpaca, mana allitami cosecharcanguichic. Shinallatac imapish pucushcata micuc shinami llullashcanguichic. Cancunaca, cancunapac ruhuashcapi, achca sinchi runacunapimi shunguta churashpa causashcanguichic.

OSEAS 8:7

Paicunaca huairata tarpushpaca acapana huairatami cosechanga. Ima cosechanapish mana tiyangachu. Trigopish cutachingapac mana tiyangachu. Trigo pucucpipish, caru llacta runacunami micunga.