PROVERBIOS 22:5 - Dios Rimashcata Quillcashcami

⁵ Mana allita ruhuac runapac ñanpica cashacunapish, tucllacunapish tiyanmi. Maijanpish causaita cuidashpaca chaicunamanta anchuringami.

PROVERBIOS 22:5 Iomraidhean Croise

JOB 18:8

Paipac chaquillatacmi tucllapi urmachinga. Chai tucllapimi churarishpa saquiringa.

SALMOS 11:6

Mandac Diosca millaicunapac jahuapica ninatapish, rupacuc azufretapish tamyachingami. Tucuita tucuchic tamya huairatapish cachangami. Tucui caicunami copamanta ubiana llaquicuna shina canga.

SALMOS 91:1

Maijanpish jahua pachapi causac Diospi miticucca tucuita ruhuac Dios cuidashcami causan.

PROVERBIOS 13:15

Alli yuyaica cushichinmi. Ashtahuanpish mana cazuccunapac causaica llaqui causaimi.

PROVERBIOS 13:3

Maipish cachun mana rimaric runaca quiquin causaitami cuidan. Ashtahuanpish maipish cachun rimaric runataca jatun llaquimi japin.

PROVERBIOS 15:19

Quilla runapac ñanca cashahuan jarcashca shinami. Ashtahuanpish allita ruhuaccunapac ñanca rumihuan sumacta ruhuashca ñanmi.

PROVERBIOS 16:17

Allita ruhuashpa causaccunaca mana allimanta anchurinmi. Mana allita ruhuanamanta cuidariccunaca causaitami cuidancuna.

PROVERBIOS 19:16

Mandashcata pactachic runaca paipac causaitami cuyan. Dios munashca shina causanata mana munacca huañungami.

PROVERBIOS 22:4

Mandac Diosta manchashpa, mana jatun tucushpa causashpaca chayucyancunami, alli nishcapish tucuncunami. Shinallatac causaitapish charinmi.

PROVERBIOS 29:6

Millaita ruhuac runaca pai ruhuashca millaillapitacmi tucllapi shina urman. Ashtahuanpish cashcata ruhuac runaca cushicushpami cantan.

PROVERBIOS 4:19

Diosta mana manchaccunapac ñanca pura tuta shina, imapi mitcaricushcatapish mana yachancunachu.

JOSUÉ 23:13

cancunata Mandac Diosca chai llactapi causaccunataca cancunapac ñaupamanta mana ashtahuan llucchishpa cachanataca yachanami canguichic. Ashtahuanpish paicunaca cancunapacca tuclla shina mitcachic, cancunapac lomopi huactana angu shina, ñahuipi yaicushca casha shinami canga. Chashnami cancunata Mandac Dios cancunaman cushca sumac llactapi cancuna tucuringacaman chashna canga.

1 JUAN 5:18

Maijanpish Diospac huahua cashpaca, juchata mana ruhuacushcatami yachanchic. Diospac Churi paicunata huacaichicpimi, diabloca imata mana ruhuanata pudin.