PROVERBIOS 22:11 - Dios Rimashcata Quillcashcami

¹¹ Jatun mandacca chuya shungu runatami cuyan. Sumacta rimac runami paihuanca apanacunga.

PROVERBIOS 22:11 Iomraidhean Croise

1 REYES 4:5

Natanpac churi Azariasca llactacunapi churashca mandaccunata mandacmi carca. Natanpac churi Zabudca jatun mandacta cunac paipac alli ricsishcami carca.

ESTER 10:3

Jatun mandac Asueropac quipa mandacca Judá llactamanta Mardoqueomi carca. Paica paipac huauquicunapacpish, Judá llactamanta achca gentecunapacpish mai alli nishcami carca. Paica, paipac llacta gentecunaman allita ruhuashcamanta tucui paipac huahua huahuacunamanpish cushi causai tiyachunmi munarca Chaimantami alli nishca carca.

SALMOS 101:6

Ñuca ladopi causachunca cai pachapi alli causaccunatami ricusha. Ima millaita mana ruhuashpa causacmi ñucata servinga.

SALMOS 24:4

Chuya maquicuna shungupi ima mapa illaccuna, ruhuashcalla dioscunata mana adoraccuna, ari nishcata pactachiccunami chaimanca yaicunga.

SALMOS 45:2

Tucui caricunamanta yalli sumacmi cangui. Cambac shimimantaca uyanalla shimicunami llucshin. Diosmi huiñaita chashna cachun bendiciarca.

PROVERBIOS 14:35

Jatun mandacca paita servic alli yuyaita charicpimi cuyan. Ashtahuanpish paita pingaichic runataca piñashpami llaquichin.

PROVERBIOS 16:13

Jatun mandaccunataca maijanpish allita sumacta rimashpami cushichin. Paicunaca cashcata rimaccunatami cuyancuna.

PROVERBIOS 22:12

Alli yachaitaca Mandac Diosmi cuidan. Ashtahuanpish yachashca jahua llullashpa rimashcacunataca pandachishpami tucuchin.

ECLESIASTÉS 10:12

Yuyaisapa runa rimashcaca sumacmi. Ashtahuanpish mana entendic runa rimashcaca paillatatacmi llaquichin.

DANIEL 3:30

Chai quipami jatun mandacca Sadracta, Misacta, Abed-negota tucui Babilonia llactata mandachun churashpa, allita pusharca.

SAN MATEO 5:8

Shungupi millai yuyaita mana chariccuna, ¡cushicuichic! Cancunami Diostaca ricunguichic.

SAN LUCAS 4:22

Shina sumacta rimashcamantami, tucui uyaccunaca mancharishpa, Jesusmanta allita rimarcacuna. Chaimantami caishuc chaishuc tapushpaca: —¿Caica manachu Josepac churi?— ninacurca.