PROVERBIOS 21:4 - Dios Rimashcata Quillcashcami

⁴ Jatun tucushpa ricunapish, shungupi jatun tucunapish Diosta mana manchana yuyaipish juchami.

PROVERBIOS 21:4 Iomraidhean Croise

JOB 18:5

Diosta mana manchaccunapac achicyachic lamparaca huañuchishcami canga. Chai ninapish ashtahuan llamataca mana cungachu.

JOB 18:6

Achicyachicpish paicunapac huasipica amsayangami. Paicunapi cac lamparapish huañungami.

SALMOS 10:4

Millaita ruhuacca ñahui shuctacyashpa jatun tucushpami Diostaca mana mashcan. Paica Dios mana tiyashcatami yuyan.

SALMOS 101:5

Maijanta mana alli nishpa huashalla rimactaca ñucami tucuchisha. Ñahuipipish, shungupipish jatun tucushcacunataca manatac ricushachu.

SALMOS 131:1

Mandac Dioslla, ñuca shungupica mana jatun tucushcanichu. Ñuca ñahuihuanpish pita mana shuctacyashpa ricushcanichu. Ima jatun charinacunata japina yuyaitapish mana charishcanichu. Ñucapac imapish alli canataca mana munashcanichu.

PROVERBIOS 15:8

Mandac Diosca paita mana manchaccuna animalta cushpa rupachishcataca millanayachinmi. Ashtahuanpish allita ruhuaccuna mañacpica cushicunmi.

PROVERBIOS 21:27

Diosta mana manchaccunaca animalta Diosman cushpa rupachishcapish millanami. Mana alli shunguhuan cushcatacarin ashtahuanmi mana ricunayachin.

PROVERBIOS 24:20

Chaica, millaita ruhuac runacunaca mana cushicuita charingachu. Diosta mana manchaccunaca lámpara huañushca shinami tucunga.

PROVERBIOS 30:13

Maijan huahua huahuacunaca jatun tucushpami shuccunataca piña ñahuihuan ricuncuna.

PROVERBIOS 6:16

Mandac Diosca cai sucta juchatami piñan. Canchisniqui juchatacarin yallitami millanayachin:

PROVERBIOS 6:17

Jatun tucushpa puricta, llulla calluta, mana faltayuc runata huañuchishpa yahuarta jichacta,

PROVERBIOS 8:13

Mandac Diosta manchaccunaca mana allita ruhuaccunata piñanmi. Jatun tucunatapish, yallita jatun tucunatapish mana alliman apac ñantapish mana munanichu.

ISAÍAS 10:12

Mandac Diosca Sión urcupi, Jerusalenpi ruhuashca quipaca Asiria llactata jatun mandactapish, pai jatun tucushpa, ñahuita alzashpa purishcamantami llaquichinga.

ISAÍAS 2:11

Jatun tucushpa puriccunapac ñahuitaca cumurichingami. Cari tucushcacunatapish pingaichishpami cumurichinga. Chai punzhapica Mandac Diosllami jatunyachishca canga.

ISAÍAS 2:17

Cariyashpa puriccunapac ñahuitaca cumurichingami. Jatun tucushcacunatapish pingaichingami. Chai punzhapica Mandac Diosllami jatunyachishca canga.

ISAÍAS 3:16

Shinallatac Mandac Diosca: «Sionpi causac huarmicunaca jatun tucushpa, caricunahuan ñahuita quimllanacushpa purincuna. Purishpapish chaquita tacashpa, chaqui huallcacunata cuyuchishpami purincuna.

SAN LUCAS 11:34

Ñahuica cuerpopac luz shinami. Ñahui alli cacpi, tucui cuerpomi achiclla shina canga, ashtahuanpish ñahui mana alli cacpica, amsapimi causacungui.

SAN LUCAS 18:14

Ñucaca ninimi: Fariseopac randica, cai impuestota japic runaracmi juchacunata Dios perdonashca huasiman cutirca. Chaica, maijanpish “allimi cani” nictaca, mana alli nishcami canga. Maijanpish “mana allichu cani” nictaca, alli nishcami canga» nirca.

ROMANOS 14:23

Ashtahuanpish “¿cai micunaca allichu, mana allichu?” nishpa micucca juchallinmi. Pai crishca shina mana micushpaca juchayucmi tucun.

1 PEDRO 5:5

Chai shinallatac quipa huiñaicunapish, pushaccuna ima nishcata cazuichic. Mana jatun tucushpami tucuillatac caishuc chaishuc-huan cazunacuna canguichic. Diosca: «Jatun tucushcacunataca piñanimi. Mana jatun tucushcacunataca cuyanimi» ninmi.