PROVERBIOS 21:10 - Dios Rimashcata Quillcashcami

¹⁰ Diosta mana manchac runapac shungupica pitapish llaqui japichunmi munan. Pitapish mana cuyanchu.

PROVERBIOS 21:10 Iomraidhean Croise

SALMOS 112:5

Alli shungu runaca imatapish cushilla mañachinmi. Paita serviccunatapish cashcata ruhuashpami mandan.

SALMOS 112:9

Pai charishcacunataca huacchacunamanmi chaupishpa cun. Cashcata ruhuanataca manatac saquinchu. Paica tucuipac ricsishca jatun nishcami canga.

SALMOS 36:4

Paica camapi siricushpapish, millaita ruhuanallatami yuyarin. Millai ñanpi cashpami millaita ruhuanataca mana millanayachin.

PROVERBIOS 12:12

Diosta mana manchac runaca millaicuna urmana tucllapi urmanatami munan. Ashtahuan imatapish cashcata ruhuacca alli pucuc yura shinami.

PROVERBIOS 14:21

Maijanpish shuccunata piñacca juchallinmi. Ashtahuanpish huacchacunata llaquicca yallitami cushicun.

PROVERBIOS 2:14

Paicunaca mana allita ruhuashpami cushicuncuna. Jatun mana allicunata ruhuashpami, yallita asincuna.

PROVERBIOS 21:13

Huaccha runa caparishpa mañacpi, mana uyac runataca quipata pai caparicpipish mana uyangachu.

PROVERBIOS 21:9

Imatapish rimarishpa llaquichic huarmihuan jatun huasipi causanapac randica, jahua azoteapi shuc cuchullapi causanami ashtahuan alli.

PROVERBIOS 3:29

Maijan canpi shunguta churashpa causacpica, ama paita llaquichinguichu.

1 CORINTIOS 10:6

Tucui chaicunaca, paicuna shina ñucanchicpish ama millaita ruhuanata munachunmi chashnaca tucurca.

SANTIAGO 2:13

Shuccunata mana llaquiccunataca, paicunatapish mana llaquishpami, Diosca taripashpa llaquichinga. Ashtahuanpish shuccunata llaquiccunataca, taripana punzhapica alli ningami.

1 JUAN 2:16

Tucui cai pachapi tiyac millai munaicunapish, tucui ricushcata charina munaicunapish, charishcacunahuan jatun tucuna munaicunapish mana Diosmantachu shamun, ashtahuanpish cai pachallami chai munaicunataca cun.