PROVERBIOS 20:2 - Dios Rimashcata Quillcashcami

² Jatun mandac yallita piñarishpaca león huacac shinami manchachin. Pipish paita piñachishpaca paillatacmi huañunga.

PROVERBIOS 20:2 Iomraidhean Croise

1 REYES 2:23

Shina nishpami, jatun mandac Salomonca, Mandac Diospac ñaupapi ari nishpaca: «Adoniasca paillatac huañungapacmi cai shimicunata nishca. Paita mana huañuchicpica, Dios yallita llaquichichun.

1 REYES 2:24

Mandac Diospac shutipimi nini: Paimi ñuca taita David mandashpa tiyarinapi pi mana cuyuchipacta ruhuashpa churarca. Pai nishca shinallatacmi ñuca huahua huahuacunapish, mandashpa causanga. Cunan Mandac Dios ricucucpimi, Adoniasca huañunga» nirca.

PROVERBIOS 19:12

Jatun mandac piñarishpaca león huacac shinami manchachin. Pai alli ruhuashcaca garua quihuapi urmashca shinami.

PROVERBIOS 8:36

Ashtahuanpish ñucamanta caruyacca paillatacmi causaita chingachin. Ñucata tucui piñaccunaca huañuitami cuyacun» nishpami caparicun.

ECLESIASTÉS 10:4

Mandac yallita canta piñacpipish, can imata ruhuacushcataca ama saquinguichu. Alli shungu runaca yallita piñarishcatapish parachinmi.

OSEAS 11:10

Paicunaca Mandac Dios ñucata catishpami puringa. Ñuca león huacac shina, rimashcata uyashpami, paicunapac huahuacunaca inti tigrana ladomanta chucchushpa shamunga.

AMÓS 3:8

León huacacpica, ¿pitac mana mancharinga? Mandac Dios rimacpica, ¿pitac mana huillanga?

HABACUC 2:10

Achca gentecunata pandachishpami, canllatac pandarishcangui. Tucui chaicunata ruhuashpami, cambac huasitaca pingaipi churarcangui.

NÚMEROS 16:38

Chai inciensota rupachinacunaca quiquinllatac juchallishpa huañushcacunapacmi. Cunanca cai inciensota rupachinacuna ñucapaclla cashcamanta altarta quillpangapac yacuyachi. Caicunaca ñucapac ñaupapi inciensota churashpa rupachinacunami carca. Cai shina ruhuashcaca tucui israelcunapac shuc yuyarinami canga” ningui» nirca.