PROVERBIOS 20:10 - Dios Rimashcata Quillcashcami

¹⁰ Mana alli pezactapish, mana alli medictapish ishcaitatacmi Mandac Diosca mana ricunayachin.

PROVERBIOS 20:10 Iomraidhean Croise

PROVERBIOS 11:1

Mandac Diosca mana alli pezac balanzataca manatac ricunayachinchu. Ashtahuanpish allita pezac balanzahuanca cushicunmi.

PROVERBIOS 16:11

Pezanapish, balanzapish cashcata pezacca Mandac Diospacmi. Mochilapi churashca pezana rumicunatapish can ruhuashcami can.

PROVERBIOS 20:23

Mana alli pezaccunataca Mandac Diosca millanayachinmi. Mana alli pezac balanzaca mana allichu.

LEVÍTICO 19:35

Ima llaquita allichinapipish, allpa medinapipish, imata pezanapipish, shuctac medinacunapipish ama ima mana allita ruhuanguichicchu.

LEVÍTICO 19:36

Balanzatapish, pezanatapish, yacu medinatapish, shuctac medinacunatapish allita charinguichic. Ñucami cancunata Egipto llactamanta llucchic Mandac Dios cani.

APOCALIPSIS 21:8

Ashtahuanpish manchaccunaca, mana criccunaca, millaicunaca, huañuchiccunaca, huainayaccunaca, brujiaccunaca, ruhuashcalla dioscunata adoraccunaca, shinallatac tucui llullaccunaca azufrehuan rupacuc nina cuchapimi shitashca canga. Chaica quipa huañuimi can» nirca.