PROVERBIOS 2:22 - Dios Rimashcata Quillcashcami

²² Ashtahuanpish Diosta mana manchaccunaca allpamanta anchuchishcami canga. Yachashpapish mana cazuccunaca chai allpamanta llucchishcami cangacuna.

PROVERBIOS 2:22 Iomraidhean Croise

1 REYES 14:14

Israelcunata mandachunca Mandac Diosllatacmi shuc jatun mandacta churanga. Chai mandacmi Jeroboampac huahua huahuacunataca pai mandacui punzhallapitac tucui tucuchinga. Cunanmanta pachami,

1 CRÓNICAS 10:13

Saulca Mandac Diosta mana cazushpa, Mandac Dios mandashca shimicunatapish mana cazushpa, huañushcacunata mañaccunata tapugrishcamantami chashna huañurca.

JOB 21:30

‘Millaita ruhuac runaca llaqui punzhapica mana ima tucungachu. Dios piñaric punzhaca huacaichishcami canga’ nishcataca, ¿manachu yuyaringuichic?

SALMOS 104:35

Juchata ruhuaccunaca cai pachamanta chingachishca cachun. Diosta mana manchaccunaca tucuchishca cachun. ¡Ñuca almalla, Mandac Diosta alli niyari! ¡Mandac Diostaca alli alabaiyari!

SALMOS 145:20

Mandac Diosca tucui paita cuyaccunataca cuidanmi. Ashtahuanpish paita mana manchaccunataca tucuitami tucuchinga.

SALMOS 37:20

Ashtahuanpish Diosta mana manchaccunaca chingachishcami canga. Mandac Diosta piñaccunaca cari oveja huira shinami yacuyanga. Cushni shinami chingaringa.

SALMOS 37:22

Pai bendiciashca runacunami llactataca japinga. Shinallatac pai maldiciashca runacunaca tucuchishcami canga.

SALMOS 37:28

Mandac Diosca imatapish allita ruhuactaca cuyanmi. Paita caticcunataca mana shitashpa saquingachu. Tucui causaipimi huacaichinga. Ashtahuanpish paita mana manchaccunapac huahuacunataca tucuchingami.

SALMOS 52:5

Chaimantami Diosca cantaca causaita quichushpa huiñaipac chingachishpa, cambac huasi ucupuramanta anchuchinga. Cai pachapi causaccunapuramanta sapimanta llucchic shinami cantaca chingachinga.

SALMOS 52:7

«¡Riquichic, chai runaca Diosta paipac jatun pirca shina jarcac cachunca mana chasquircachu! ¡Ashtahuanpish paipac charishcacunallapi shunguta churashpami, mana allicunallata ruhuashpa causarca!» ningacuna.

PROVERBIOS 10:30

Cashcata ruhuac runataca pi mana cuyuchingachu. Diosta mana manchaccunaca cai llactapica mana causangacunachu.

PROVERBIOS 11:3

Cashcata ruhuac runacunataca chai ruhuashcacunallatacmi alli ñanta pushanga. Ashtahuanpish juchata ruhuaccunataca chai juchallatacmi tucuchinga.

DEUTERONOMIO 29:20

Mandac Diosca chashna mana alli ruhuactaca mana perdonangachu. Ashtahuanpish nina rupashpa cushnicuc shina piñarishpa, paipaclla cachun munashpa, cai libropi sinchita nicushca shinami llaquichinga. Chashnami cai pachamanta chai runapac shutitaca chingachinga.

DEUTERONOMIO 29:28

Chashna yallita piñarishpa, mana ricunayachishpami paicunataca llactamanta sapindi aisac shina, Mandac Diosca shuctac llactacunaman catishpa cachashca. Chaitami cunanca ricunguichic” ninga.

DEUTERONOMIO 7:22

Chai llactapi causaccunataca allimantami cancunapac ñaupamantaca Mandac Diosca llucchishpa cachanga. Sacha animalcuna mirashpa, cancunata ama llaquichichunmi, mana utca tucuchinga.