PROVERBIOS 19:7 - Dios Rimashcata Quillcashcami

⁷ Huaccha runataca tucui paipac huauquicunami mana ricunayachin. Paihuan apanacuccunacarin paimantaca caruyancunallami. Pai maijanhuan parlasha nishpapish pita mana taringachu.

PROVERBIOS 19:7 Iomraidhean Croise

SALMOS 38:11

Ñuca ricsishcacunapish, ñucahuan puriccunapish, ñuca familiacunapish ñuca sisuta ricushpaca caruyancunami.

SALMOS 38:12

Ñucata huañuchishun niccunaca ima shina urmachinatami yuyaricuncuna. Ñucata llaquichinata yuyacuccunaca millaitami parlanacuncuna. Ñucata urmachingapacmi tucui punzha yuyarinacuncuna.

SALMOS 88:18

Ñucahuan puriccunatapish, ricsishcacunatapish ñucamanta caruyachishcanguimi. Amsallatami ñucahuan cachun saquishcangui.

SALMOS 88:8

Ñuca ricsishcacunatapish tucuimi ñucamanta caruyachishcangui. Paicunapac ñaupapica piñanatami ruhuashcangui. Ñucaca prezushca shinami cani. Mana llucshi pudinichu.

PROVERBIOS 10:15

Chayuc runapac charishcacunaca jatun pircayuc pueblo shinami. Ashtahuanpish huaccha runataca huaccha causaimi llaquichin.

PROVERBIOS 14:20

Huaccha runataca paihuan apanacucpish piñanmi. Ashtahuanpish charic runataca achcacunami cuyan.

PROVERBIOS 18:23

Huaccha runaca sumactami riman, chayuc runaca sinchitami riman.

PROVERBIOS 19:4

Chayuc runa cacpica, apanacuccunapish achcami tiyan. Ashtahuanpish huaccha cacpica paihuan apanacucpish cungarinmi.

PROVERBIOS 21:13

Huaccha runa caparishpa mañacpi, mana uyac runataca quipata pai caparicpipish mana uyangachu.

PROVERBIOS 27:10

Canhuan apanacuctapish, cambac taitahuan apanacuctapish ama cungaringuichu. Llaquihuan cashpaca ama cambac huauquipac huasiman ringuichu. Carupi causac huauquipac randica, cambac ladopi causaccunami ashtahuan alli.

SANTIAGO 2:6

Shina cacpipish cancunaca huacchami nishpami, paicunataca yangapi churanguichic. Cancunata llaquichishpa, juezpacman apaccunaca, ¿manachu chayuccuna can?