PROVERBIOS 19:6 - Dios Rimashcata Quillcashcami

⁶ Alli shungu runa ayudachunca achcacunami mashcan. Imatapish carac runahuanca tucuimi apanacun.

PROVERBIOS 19:6 Iomraidhean Croise

GÉNESIS 32:20

Shinallatac: “Canta servic Jacobopish, ñucanchicpac huashatami shamucun” ninguichic— nirca. Jacoboca ñuca huauqui Esauca ñucapac ñaupata rishpa, animalcunata convidacpica, rabiata pasachishpa, alli chasquingapishchari yuyashpami, chashnaca cacharca.

GÉNESIS 42:6

Josemi chai llactataca mandacurca. Paillatacmi tucui shuctac llactamanta shamuc gentecunamanpish granota catucurca. Chashna catucpimi, paipac huauquicuna chayashpaca, pambacaman cumurirca.

GÉNESIS 43:15

Shina nicpimi, paicunaca convidanacunatapish, chaupihuan yalli cullquitapish apashpa, Benjamintapish pushashpa, Egiptoman urai rircacuna. Chashna rishpami, Josepacman chayarca.

SALMOS 45:12

Tiro pueblopi causaccunami convidanacunahuan cambacman shamun. Chayuccunapish cambac ñaupapi alli ricuringapacmi convidanacunahuan shamun.

PROVERBIOS 16:15

Jatun mandac cushilla ñahuihuan cacpica, causaimi tiyan. Pai cuyaihuan ruhuashcaca quipa tamya puyu shinami.

PROVERBIOS 17:8

Cullquita pacalla cuc runamanca pacalla cushcaca magia shinami. Chashna pacalla cushpami maipipish tucui pai munashcata chasquin.

PROVERBIOS 18:16

Ima caranata cushpami runapac shungutaca pascan. Mandaccunapacmanpish pushanllami.

PROVERBIOS 19:12

Jatun mandac piñarishpaca león huacac shinami manchachin. Pai alli ruhuashcaca garua quihuapi urmashca shinami.

PROVERBIOS 21:14

Imatapish pacalla carashpaca, yalli piñarishcatapish allichinmi. Pacalla pagashpaca nina japiric shina piñarishcatami allichin.

PROVERBIOS 29:26

Achcacunami mandactaca paicunaman allita ruhuachun mañancuna. Ashtahuanpish Mandac Diosmi ima shina cashcata ricushpa cun.

SAN MATEO 2:11

Paicuna chai huasiman yaicushpaca, huahuatami paipac mama Mariandi ricurca. Chaimantami cungurishpa “allimari cangui” nircacuna. Shinallatac quipita pascashpami, curitapish, inciensotapish, mirratapish curca.

ROMANOS 6:23

Juchamanta japinaca, huañuimi. Ashtahuanpish Diosca Apunchic Jesucristomantami huiñai causaita yanga cun.