PROVERBIOS 19:3 - Dios Rimashcata Quillcashcami

³ Yuyai illac runaca paipac causaipimi pandarin. Chai quipaca paipac shungupimi Mandac Diosta piñan.

PROVERBIOS 19:3 Iomraidhean Croise

2 REYES 6:33

Eliseo paicunahuan chashna parlacucpimi, Eliseopacman huillac runa chayashpaca: “¡Mana llullashpami nini! Cai llaquicunaca Mandac Diosmantami shamun. Shina cashpaca, ¿imatatac Mandac Diosmantaca shuyashayari?” nirca.

JOB 15:13

¿Ima nishpatac Dios-huan piñaringui? ¿Imamantatac imatapish rimaringuilla?

SALMOS 37:1

Millaita ruhuaccunamantaca ama yallita piñarichu. Paicuna imata ruhuashcata ricushpa ama canpish ruhuasha nichu.

SALMOS 37:7

Mandac Diospac ñaupapi upalla cailla. Pai imatapish nichun shuyailla. Millaicuna sumacta causacta ricushpapish, ama chai causaita munanguichu.

PROVERBIOS 11:3

Cashcata ruhuac runacunataca chai ruhuashcacunallatacmi alli ñanta pushanga. Ashtahuanpish juchata ruhuaccunataca chai juchallatacmi tucuchinga.

ISAÍAS 32:6

Misa runaca misa canamantami parlan. Paipac shungupica millaita ruhuanallatami yuyaricun. Mandac Diostapish mana cazushpami burlan. Yarcaihuan caccunatapish chushac maquitami saquin. Yacunayaihuan caccunamanpish yacuta mana cunchu.

LAMENTACIONES 3:39

Juchamanta llaquichishca runaca, ¿imamantatac llaquirin?

EZEQUIEL 18:25

Ashtahuanpish cancunaca: “Mandac Diosca mana cashcata ruhuacchu” ninguichicmi. Israelcunalla, ñuca ruhuashcacunaca, ¿manachu cashcata ruhuashca? Ashtahuanpish cancunami mana allita ruhuanguichic.

1 SAMUEL 13:13

Shina nicpimi, Samuelca Saultaca: —Canca yuyac illac shinamari ruhuashcangui. Canta Mandac Dios mandashca shina ruhuashca cacpica, cunanmanta pachami canmanpish, cambac huahua huahuacunamanpish israelcunata mandashpa causanataca saquinman carca.

1 SAMUEL 15:23

Paita mana cazunaca adivinashpa juchallishca shinami can. Sinchi shungu canapish ruhuashca dioscunata adorashpa causacuc shinami can. Chashna ruhuashpa, Mandac Diospac shimita yangapi churashcamantaca cantapish jatun mandac cashcamanta anchuchishcami cangui— nirca.