PROVERBIOS 19:11 - Dios Rimashcata Quillcashcami

¹¹ Alli yuyaiyuc runaca piñarishpapish jarcarinmi. Piñaccuna rimacpipish upalla tucushpa, alli nishca canallatami munan.

PROVERBIOS 19:11 Iomraidhean Croise

2 REYES 5:12

¿Manachu Damasco pueblopi tiyac Abana, shinallatac Farfar jatun yacucunaca tucui Israel llacta yacucunata atishpa ashtahuan alli? ¿Manachu chai yacupi armarishpa chuyanlla saquiri pudini?» nirca. Shina nishpami, piñarishpa tigrarishpa rirca.

PROVERBIOS 11:13

Rimarishpalla puric runaca mana parlana cashcatapish parlanllami. Ashtahuanpish alli runaca paipac shungullapimi tucuita pacalla charin.

PROVERBIOS 12:16

Yuyai illac runaca piñarishcataca utcami ricuchin. Ashtahuanpish alli yuyaiyuc runaca piñarishpapish shungupi chingachinllami.

PROVERBIOS 14:29

Alli yuyaita chariccunami mana utca piñarin. Ashtahuanpish shungupi utca piñaric runaca yuyai illac cashcatami ricuchin.

PROVERBIOS 15:18

Utca piñaric runaca piñanacuillapimi churan. Ashtahuanpish mana utca piñaric runaca piñanacuita allichinmi.

PROVERBIOS 16:32

Yallita sinchi runa canapac randica, mana utca piñaric canami ashtahuan alli. Quiquinllatac jarcaric runaca shuc pueblota japic runatapish, ashtahuan yalli allimi.

PROVERBIOS 17:14

Piñanacuita callarichic runaca jatun yacutami cacharin. Piñanacui manarac callaricpi anchuringui.

PROVERBIOS 20:22

Canca: «Ñucapish llaquichishami» ama ninguichu. Ashtahuanpish Mandac Diosllata shuyangui. Paimi quishpichinga.

PROVERBIOS 20:3

Piñanacuimanta anchuricca alli nishcami. Yuyai illac runa piñanacuipi yaicucca mana illangachu.

PROVERBIOS 25:21

Canta piñac runa yarcachicpica, micunata carangui. Yacunayaihuan cacpica, yacuta ubiachingui.

PROVERBIOS 29:11

Mana entendic runa piñarishpaca pai ima munashcatami ruhuanlla. Ashtahuanpish yachaisapa runaca jarcarinmi.

EFESIOS 4:32

Caishuc chaishuc-huan cuyac shunguhuan apanacushpa alli causaichic. Jesucristomanta cancunapac juchacunata Dios perdonashca shina, caishuc chaishuc perdonanacuichic.

SANTIAGO 1:19

Ñuca cuyashca criccuna, imapish uyanallataca alli uyaichic. Rimaringapacpish, piñaringapacpish jarcariccuna caichic.