PROVERBIOS 18:5 - Dios Rimashcata Quillcashcami

⁵ Cashcata ruhuac runata llaquichingaraicu Diosta mana machac runaman ama tucuichu.

PROVERBIOS 18:5 Iomraidhean Croise

JOB 34:19

Paica jatun mandaccunatapish mana ñahuita ricushpalla allita ruhuan. Paica paipac maquihuan ruhuashca cacpimi, huacchacunamanpish, chariccunamanpish chashnallatac ruhuan.

SALMOS 82:2

¿Ima horascamantac mana cashcata ruhuashpa, ñucata mana manchaccunamanrac allita ruhuashpa causagringui?

ÉXODO 23:2

Taucacuna millaita ruhuashun nicpipish, ama paicunata catinguichu. Ama taucacuna llullashcallamanta pitapish llaquichinguichu.

ÉXODO 23:3

Shinallatac huaccha cashcallamantapish, ama paipac parte tucunguichu.

ÉXODO 23:6

Maipi imata quichunacui tiyacpica, ama huacchapac cashcata quichushpa, shucman cunguichu.

PROVERBIOS 17:15

Mana allita ruhuac runata cashcata ruhuacmi nictapish, cashcata ruhuac runata llaquichictapish Mandac Diosca millanayachinmi.

PROVERBIOS 17:26

Cashcata ruhuac runata llaquichinaca manatac allichu. Dios munashcata ruhuac, alli nishca runacunata azotinapish mana allichu.

PROVERBIOS 24:23

Caicunapish yachaisapa cunashca rimashcacunami: Ima llaquita taripacushpaca ñahuita ricushpalla shucpac parte tucunaca mana allichu.

PROVERBIOS 28:21

Ñahuita ricushpalla chicanyachinaca mana allichu. Maijancunaca ashalla micunallamantami juchallincuna.

PROVERBIOS 31:5

Pacta chaicunata ubiashpa mandashcacunata cungaringuiman. Pacta llaquilla causaccunaman allita ruhuanata cungaringuiman.

ISAÍAS 5:23

Paicunaca cullquita pacalla japishpami, mana allita ruhuaccunataca cashcata ruhuacmi nincuna. Chashna ruhuashpami, cashcata ruhuac runa japinataca quichun.

ISAÍAS 59:14

Chashnami allita ruhuanaca huashapi saquirirca. Cutin cashcata ruhuanaca ñucanchicmanta caruyarcami. Cashcata ninaca plazapimi mitcarishpa urmac shina tucurirca. Chaimantami allita ruhuanaca mana yaicui pudirca.

LEVÍTICO 19:15

Cashcata ruhuashpa allichingui. Huaccha cashcallamantapish ama paiman tucunguichu. Chayuc cashcamantapish ama paiman tucunguichu, ashtahuanpish cashcata ruhuashpa allichingui.

MIQUEAS 3:9

Cunanca, Jacobopac huahuacunata pushaccunapish, israelcunata mandaccunapish caita alli uyaichic. Cancunaca cashcata ruhuanatapish, allita ricushpa mandanatapish millanayachinguichicmi.

MIQUEAS 7:3

Paicunapac maquica ima mana allita ruhuangapac yachachishcami. Jatun mandaccunaca mana allita ruhuangapacmi imatapish cuchun mañacun. Juezcunaca imata pacalla japishpami mandan. Mandacpish, paipac shungu munashcatami riman. Chashnami allita ruhuanataca saquin.

SAN MATEO 22:16

Chashna yuyarishpami, paicunapac yachacuccunatapish, mandac Herodespac runacunatapish tapuchun cacharca. Shina cachacpi, paicuna rishpaca: —Yachachic, canca imapish cashcallatami yachachingui. Dios munashca shina causachunmi allita yachachingui. Canca mana manchashpa, mana piman tucushpami yachachingui.

DEUTERONOMIO 16:19

Cashcata ruhuanata ama saquinguichicchu. Ama ñahuita ricushpalla taripanguichicchu. Imata ruhuangapac ama imata pacalla japinguichicchu. Chai japishcami alli yachac cacpipish, ñahui mana ricucta shina ruhuan. Shinallatac cashcata ruhuactapish pandachinmi.