PROVERBIOS 18:4 - Dios Rimashcata Quillcashcami

⁴ Runapac rimashcaca ucumanta llucchishca yacu shinami. Alli yachaica tucyac yacu callpacuc shinami.

PROVERBIOS 18:4 Iomraidhean Croise

SALMOS 78:2

Ñuca rimashpaca yuyaita japina shimicunatami nigrini. Ñaupa huatacunamanta pi mana yachashca rimaicunatami huillagrini.

PROVERBIOS 10:11

Cashcata ruhuac runapac rimashcaca causaita cuc yacu shinami. Ashtahuanpish Diosta mana manchaccunapac rimashcaca macanacuipimi churan.

PROVERBIOS 13:14

Yachaisapa yachachishcaca causaita cuc yacu shinami. Chai yachachishcacunaca huañuna tucllamanta quishpichinmi.

PROVERBIOS 16:22

Alli yuyaiyuc runapi tiyashca alli yuyaica causaita cuc yacu shinami. Ashtahuanpish yuyai illac runapi tiyashca yuyaica llaquichinmi.

PROVERBIOS 18:3

Millaita ruhuashpaca pingaimi tucun. Jatun tucushpaca mana alli nishcami tucun.

PROVERBIOS 20:5

Runapac shungupi yuyashcaca ucupi cac yacu shinami. Ashtahuanpish yuyaisapa runami chaitaca taringa.

SAN MATEO 12:34

Culebrapac huahuacuna, cancunallatac millai cashpaca, ¿ima shinatac allita rimaringuichic? Shungupi ima yuyaicuna tiyashcatami, shimica riman.

SAN JUAN 4:14

Ashtahuanpish maijanpish ñuca cushca yacuta ubiacca, jaicapi mana yacunayachingachu. Ñuca cushca yacuca paipica huiñai causaita cuc, tucyacuc yacu shinami canga— nirca.

COLOSENSES 3:16

Cristomanta huillashca shimicunata shungupi yuyarashca cachunmi munani. Alli yuyaihuan caishuc chaishuc-huan yachachinacushpa, catina yuyaita cunacuichic. Salmocunatapish, Diospac Espíritu yuyaita cushca cantana cantocunatapish cantashpa, tucui shunguhuan Diosta pagui nishpa “allimari cangui” nishpa cantaichic.

COLOSENSES 4:6

Cancuna shuccunahuan parlanacushpapish, uyanalla sumac rimaicunahuan parlaichic. Paicuna imata tapucpipish, allita cutichinata yuyaichic.