PROVERBIOS 16:6 - Dios Rimashcata Quillcashcami

⁶ Juchayuctaca llaquishpa, mana llullashpami perdonanga. Runaca Mandac Diosta manchashpami, mana allimantaca anchurin.

PROVERBIOS 16:6 Iomraidhean Croise

GÉNESIS 20:11

Shina nicpimi Abrahamca: —Caipica Diosta manchaccunaca mana tiyanchu. Shina cashpaca, ñuca huarmita quichungapac ñucata huañuchingami yuyarcanimi.

NEHEMÍAS 5:15

Ashtahuanpish ñucapac punta mandaccunaca micungapacpish, vinopacpish, chuscu chunga siclos cullquita mañashpami llaquichishpa causarca. Shinallatac paicunata serviccunapish chashnallatacmi ruhuarca. Ashtahuanpish ñucaca Diosta manchac cashpami, mana chashna ruhuarcani.

NEHEMÍAS 5:9

ñucaca: —Cancunaca mana allitachu ruhuacunguichic. Ashtahuanpish, ¿manachu shuctac llactapi causac ñucanchicta piñaccuna ama burlachun, Diosta manchashpa causana canguichic?

JOB 28:28

Chaimantami runataca: “Alli yachaica Mandac Diosta manchanami. Alli yuyaica millaimanta anchurinami” ninmi» nirca.

SALMOS 85:10

Cuyaihuan, cashcata ninahuanmi tupanacurca. Cashcata ruhuanahuan, cushi causaihuan muchanacurca.

ÉXODO 1:17

Shina mandacpipish, comadronacunaca Diosta manchashcamantami Egipto llactata jatun mandac nishcata mana ruhuashpa, cari huahuacunataca mana huañuchishpa saquircalla.

ÉXODO 20:20

Shina nicpimi Moisesca: —Ama manchaichicchu. Diosca cancuna paita manchac cashcata ricungapacmi shamurca. Paica cancuna punzhanta paita manchashpa, ama juchallichunmi munan— nirca.

PROVERBIOS 14:16

Yachaisapa runaca mana allita ruhuanata manchashpami chaimanta caruyan. Ashtahuanpish yuyai illac runaca mana manchashpami jatun tucushpa purin.

PROVERBIOS 14:2

Allita ruhuashpa causac runaca Mandac Diostami manchan. Ashtahuanpish mana allita ruhuac runaca mana ricunayachinchu.

PROVERBIOS 14:27

Mandac Diosta manchanaca causaita cuc yacu llucshicuc shinami. Shinallatac huañuchic tucllamanta anchuchinmi.

PROVERBIOS 16:5

Mandac Diosca shungupi tucui jatun tucushcacunata millanayachinmi. Paicunaca manatac perdonashcachu canga.

PROVERBIOS 20:28

Jatun mandacca llaquic cashcamanta, cashcata nic cashcamantami cuidashca causan. Cuyac cashpami pai mandashpa tiyarinataca mana chingachin.

PROVERBIOS 3:3

Cashcata nina, shinallatac llaquic canaca, jaicapi ama anchurichun. Cungapi churarishca shina, shungupi quillcashca shina, chai yuyailla puringui.

PROVERBIOS 3:7

Ama canllatac yachaisapa cashcata yuyanguichu. Ashtahuanpish Mandac Diosta manchashpa, mana allimanta anchuringui.

PROVERBIOS 8:13

Mandac Diosta manchaccunaca mana allita ruhuaccunata piñanmi. Jatun tucunatapish, yallita jatun tucunatapish mana alliman apac ñantapish mana munanichu.

DANIEL 4:24

jatun mandaclla, jahua pacha Dios canta llaquichigricushcatami nisha nin.

DANIEL 4:27

Chaimanta jatun mandaclla, ñuca cunashcata uyaiyari. Cashcata ruhuashpa, juchamanta llucshiyari. Huacchacunata llaquishpa, millaita ruhuanamanta anchuriyari. Chashna cushilla causanguipishchari.

LEVÍTICO 25:17

Cancunapuramanta maijan cashpapish ama umanguichicchu. Chaipac randica, Mandac Dios ñucata manchaichic. Ñucaca cancunata Mandac Diosmi cani.

SAN LUCAS 11:41

Cancunaca imalla charishcata huacchacunaman caraichic. Chashna cushpami jahuashca shina chuyanlla canguichic.

SAN JUAN 15:2

Ñucapi cac, mana pucuc ramacunataca tucuitami pitinga. Cutin alli pucuc ramataca ashtahuan pucuchunmi, sumacta allichinga.

HECHOS 15:9

Paicuna cricpica, paicunapac shungumantapish juchacunata anchuchircami. Chaimantami ñucanchicpish, paicunapish chashnallatac canchic.

2 CORINTIOS 7:1

Cuyashca criccuna, Dios ñucanchicman allicunata cushami nishcamantaca, Diosta manchashpa cuerpotapish, almatapish tucui imapish mapayachinamanta huacaichirishpa, chuyanlla causashunchic.

EFESIOS 5:21

Diosta manchashcamanta caishuc chaishuc cazunacuichic.

DEUTERONOMIO 30:13

Chashnallatac mana mama cucha chimba ladopichu. Chaipi cacpica: “Chai mandashcacunata uyashpa cazungapacca, ¿pitac mama cuchata pasashpa apamushpa, ñucanchicman uyachingayari?” ninguichicmanmi.

1 PEDRO 1:22

Cunanca tucui shunguhuan criccunapura cuyanacungapacmi, cashcata nic alli huillaita cazushpa, cancunapac almataca chuyayachishca canguichic. Chashna cashcamantami chuya shunguhuan, tucui munaihuan caishuc chaishuc cuyanacuna canguichic.